Mańǵystaý oblysynda óz jumystaryna kirisetin mekemeler men kásipkerlik nysandardyń tizimi

Mańǵystaý oblystyq qoǵamdyq kommýnıkasııa ortalyǵynda ótken brıfıngte oblys ákiminiń orynbasary Nurdáýlet Qılybaı óńirde jumystaryna kirisetin mekemeler men kásipkerlik nysandarynyń tizimin jarııalady.

Qazaqstan Respýblıkasynyń Prezıdenti Qasym-Jomart Toqaev kúni keshe tótenshe jaǵdaı rejımin bıylǵy 11 mamyrǵa deıin uzartýdy jáne keıbir kásipkerlik qyzmet túrine ruqsat berý týraly málimdeme jasady.

Osyǵan oraı, karantın talaptaryn jeńildetýge qatysty Mańǵystaý oblystyq jedel shtaby óz jumystaryna kirisetin mekemeler men kásipkerlik nysandardyń kelesideı tizimin jasaqtady. Tómendegi nysandar 29 sáýirden bastap jumystaryna kirisedi:

Saǵat 09:00 – 18:00 aralyǵynda jumys isteıtin mekemeler:

- hımııalyq tazalaý;

- aıaq kıim jóndeý jáne kilt jasaý sheberhanalary;

- kir jýatyn oryndar;

- shashtaraz, al sulýlyq salondaryna ruqsat joq;

- kólik jóndeý ortalyqtary (bir ýaqytta 3 kólikten artyq bolmaıdy);

- turmystyq tehnıka jáne elektr quraldaryn (jabdyqtaryn) satatyn nysandar (tek jetkizý qyzmeti arqyly);

- qurylys jáne santehnıka materıaldaryn, avtobólshekter men maılaý materıaldaryn satatyn obektiler (tek jetkizý qyzmeti arqyly);

- optıka;

- lombardtar, mıkroqarjylyq uıymdar, aıyrbastaý pýnktteri;

- shınomontajdar;

- gúl dúkenderi (tek jetkizý qyzmeti arqyly);

- org tehnıkany jóndeý qyzmeti;

- jarnama agenttikteri, tıpografııalar (ótinishi boıynsha).

Alaıda, bul ruqsat etilgen nysandar bólek turǵan nemese kóshege bólek shyǵatyn esigi bar bolýy tıis jáne sanıtarlyq jumystaryn qatań saqtaýy tıis.

Sonymen birge,

- azyq-túlikke tapsyrys berýdi qamtamasyz etetin saýda agentteri (ótinim ádisi boıynsha);

- zoodúkender, janýarlarǵa (maldarǵa) arnalǵan jem, kóshetter, tuqymdar men tyńaıtqyshtardy satý obektileri;

- sport taýarlaryn satatyn dúkender (tek jetkizý qyzmeti  arqyly);

Al,

- daıyn tamaqty jetkizý qyzmeti saǵat 10:00 – 22:00 aralyǵynda jumys isteıtin bolady, alaıda jetkizý kólikterin «Sergek» bazasyna engizý kerek jáne mekemeniń rastaýshy qujattary bolýy tıis. Bazaǵa engizý úshin koll ortalyǵyna 301177 nómirine baılanysýyńyzǵa bolady.

 

Sonymen birge, memleket basshysy oqshaýlaný kezindegi kishkentaı balalardyń jaǵdaıyna da toqtalyp ótken bolatyn. Sondyqtan, ata-analarǵa balalaryn úıdiń aýlasynda saǵat 10:00 – 12:00 jáne 17:00 – 20:00 aralyqtarynda oınatýǵa ruqsat beriledi. Balalar da, ata-analar da mindetti túrde maska kıip júrýi kerek. Alaıda, KSK qyzmetteri balalar oıyn alańdaryna turaqty túrde dezınfeksııa jumystaryn júrgizip turýy tıis.

Jaǵdaıǵa baılanysty karantın talaptaryn jeńildetý jumystary aldaǵy ýaqyttarda da jalǵasatyn bolady.

Joǵaryda atalǵan kásipkerlik nysandaryna arnaıy ruqsat qaǵazdaryn alýdyń qajeti joq. Taýarlar men kórsetiletin qyzmetterdiń sapasy men qaýipsizdigin baqylaý departamentiniń mamandary bul nysandarǵa qaýipsizdik sharalaryn saqtaý jóninde nusqaýlyqtar taratatyn bolady. Kásipkerlik nysandar nusqaýlyq talaptaryn oryndaýǵa mindetti jáne bul baǵytta únemi monıtorıng jumystary júrgiziletin bolady. Oryndamaǵan jaǵdaıda zańǵa sáıkes sharalar qabyldanatyndyǵyn eskertemin.

Al, jalpy kólikterdiń qozǵalysy ózgerissiz qaldyrylady, ıaǵnı kúndelikti saǵat 06:00 – 10:00 jáne 17:00 – 21:00 aralyǵynda júrýi tıis.

Bul ózgeristerdiń barlyǵy Jańaózen qalasy men Mańǵystaýdan aýdanyna qatysy joq. Iаǵnı, bul jerlerde burynǵy karantındik rejım saqtalady.