26 Sáýir, 2020 Aımaqtar

Áleýmettik azyq-túlik qorynyń qaýipsizdigi únemi baqylaýda

qamshy.kz

Vırýstyq epıdemııa ýaqytynda áleýmettik mańyzdaǵy azyq-túlikterdiń baǵasyn turaqtandyrý máselesi kún tártibinde tur.

Osy maqsatta aımaqqa azyq-túlik jetkizýge kelisim-sharttar jasaqtalǵan. Mundaı kelisimder taýar óndirýshiler men kóterme saýda básimen jetkizýshilerge nesıe qarjy berý úshin de jasalǵan. Bul jóninde óńirlik QKO ótken brıfıngte oblys ákiminiń orynbasary Baqytjan Qashaqov málimdedi.

«Qazirgi tańda astyq qory 600 tonnany quraıdy. Un qory 574 tonna. Baǵany turaqtandyrý tetikterin júzege asyrý maqsatynda 9 kásipkerlik sýbektileri belgilendi. Olar nesıe qarajatqa taýar satyp alyp, kóterme básimen aımaqqa jetkizedi. Iаǵnı bul aqsha azyq-túlik ákelip, satylýy úshin berilýde. Búgingi kúni 275 mln teńge bólindi. Nátıjesinde 644 kartofel, 120 tonna sábiz, 182 tonna jýa, 150 tonna kapýsta, 20 tonna suıyq maı, 37 tonna qant pen 20 tonna sary maı jetkizildi. Budan bólek, turaqty túrde un, maılyǵy 2,5 paıyzdyq sút, un ónimderi, qus eti men jumyrtqasy, kúrish jetkizilip otyr. Kásipkerlik sýbektilerge nesıe qarjy berýden basqa azyq-túlik baǵasyn turaqtandyrýmen de aınalysyp kelemiz. Oǵan 683 mln teńge bólinip, taǵy 566 mln teńgege kelisimshart jasaldy. Qazir bizdegi qoımada 266 qus eti, 20 tonna un, bes-bes tonnadan kúrish pen tuz, 5 myń lıtr sút, 5 tonna sıyr eti, 200 myń dana jumyrtqa, 5 myń lıtr ósimdik maıy, 10 tonna un ónimderi, 2 tonna qant bar. Sondaı-aq 884 tonna un, 39 tonna qant, 5 tonna sút, bes-bes tonnadan tuz ben sıyr eti jolda kele jatyr. Kúni keshe qosymsha ósimdik maıy men un ónimderin satyp alýǵa sheshim qabyldandy» - deıdi B.Qashaqov.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir