Nur-Sultan men Almaty arasyndaǵy áýe reısteriniń kestesi jarııalandy

QR Indýstrııa jáne ınfraqurylymdyq damý mınıstrligi 1 mamyrdan bastap Nur-Sultan jáne Almaty qalalary arasynda ushýdy qaıta bastaýǵa daıyn ekendigin málimdedi. Bul týraly QazAqparat habarlaıdy.

Kúnine 4 reısten bolady, onyń ishinde 2 reısti - «Eır Astana», 1 reısti - «Fly Arystan» jáne 1 reısti «SCAT» áýe kompanııasy oryndaıdy.

Áýe kompanııalary bılet baǵasyn reıster toqtaǵanǵa deıingi deńgeıde saqtaýǵa mindetteme alady. Ári qaraı jaǵdaı jaqsaryp jatsa, reıster sanyn jáne áýe kemeleriniń syıymdylyǵyn arttyrý máselesi qaralady.

QR Densaýlyq saqtaý mınıstrligi saparǵa shyqqanda bas sanıtar dárigeri bekitken sanıtarlyq talaptardy saqtaý kerek.

• Jolaýshylarda COVID-19 testinen ótkeni jáne onyń nátıjesi teris bolǵany týraly anyqtama bolýy qajet (anyqtamanyń qoldanylý merzimi berilgen kúnnen bastap 7 kún);
• Jeke qorǵanys quraldaryn paıdalaný (betperde, qolǵap);
• Termometrııa, áleýmettik qashyqtyq saqtaý;
• Áýejaılar men áýe kemelerin kúsheıtilgen negizde zalalsyzdandyrý.

Sanıtarlyq qaýipsizdik talaptary boıynsha atalǵan reısterde bortta tamaq berilmeıdi

Áýe bıletin búginnen bastap myna mekenjaılarda satyp alýǵa bolady:

Atalǵan baǵyttarǵa ushatyn azamattar koronavırýs ınfeksııasyna testti óz qarajaty esebinen aqyly negizde jasatatynyn aıta ketý kerek.

Test ótýge bolatyn zerthanalardyń mekenjaıy men telefony:

• «Ulttyq saraptama ortalyǵy» ShJQ RMK Nur-Sultan qalasyndaǵy fılıaly: Jeltoqsan kóshesi 46, tel. 8 (7172) 31-54-09, 8 (7172) 59-00-77.
• «Ulttyq saraptama ortalyǵy» ShJQ RMK Almaty qalasy boıynsha fılıaly: Jibek Joly kóshesi 3, tel. 8 (7273) 82-35-65, 8 (727) 259-00-77.
• «Olımp» KDZ Nur-Sultan qalasynda: Respýblıka dańǵyly 2/1, Gıote kóshesi 3, B. Momyshuly dańǵyly 16, Abylaı-han dańǵyly 12/1, E-10 kóshesi 2 úı, Mankent 2 kóshesi (mobıldi pýnkt). Testileý 8701 961 7008 telefonymen aldyn ala jazylý arqyly ǵana jasalady (sms mátin WhatsApp)
• «Olımp» KDZ Almaty qalasynda: Medeý aýdany – Halıýllın k-si 32, Seıfýllın k-si 549, Jandosov k-si 1V; Almaly aýdany – Baızaqov k-si 221/155, Gagarın k-si 236b. Testileý 8701 961 7307 telefonymen aldyn ala jazylý arqyly ǵana jasalady (sms mátin WhatsApp)
• «INVIVO» zerthanasy Almaty q-sy: Qarasaı batyr k-si 123, Call-center: 8 727 258 83 83, 8 778 769 38 81

Esterińizge sala keteıik, Nur-Sultan jáne Almaty qalalary arasynda reıster toqtatylǵanǵa deıin kúnine 17 reıs («Eır Astana» - 9 reıs, «SCAT» - 3 reıs, «Qazaq Air» - 2 reıs, «Fly Arystan» - 3 reıs) oryndalatyn.