19 Sáýir, 2020 NEWS

Toqaev qazaqstandyqtardy Pasha merekesimen quttyqtady

tengrinews.kz

Memleket basshysy Qasym-Jomart Toqaev qazaqstandyqtardy Pasha merekesimen quttyqtady, dep jazady Qamshy.kz aqparat agenttigi.  Aqordanyń deregin negizge alyp. 

"Qurmetti otandastar!

Elimizdiń pravoslav qaýymyn qasıetti Pasha merekesimen shyn júrekten quttyqtaımyn!

Meıirimdilik pen janashyrlyqqa úndeıtin bul meıram qasterli qundylyqtardy dáripteıdi. 

Hrıstıan dininiń ıgilikteri adamǵa izgilik pen qaıyrymdylyq darytady. Pasha meıramy rýhanı birlikti, shynaıy baýyrlastyqty nyǵaıtýǵa jol ashady.

Búkil álem qaýipti indetpen kúresip jatqan qazirgideı kezeńde barlyq din ókilderi úshin rýhtyń beriktigi men ózara yntymaqtastyqtyń mańyzy zor.

Halqymyz bereke-birliktiń, parasat pen tózimniń arqasynda kez-kelgen qıyndyqty abyroımen eńseredi dep senemin.

Barsha pravoslav hrıstıandaryna jáne otandastarymyzǵa myqty densaýlyq, mol baqyt, tolaǵaı tabys tileımin!", - delingen quttyqtaý sózinde. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir