Almaty qalasy ákimdiginiń baspasóz qyzmeti koronavırýs indetin juqtyrǵandar arasynda 43 almatylyq baryn málimdedi.
 
Onyń ishinde 26 naýqas pnevmonııa jáne JRVI belgilerimen syrqattanǵan jandarmen baılanysta bolǵan. Taǵy 13 adam karantınde bolǵan jáne medısınalyq jedel járdem qyzmetiniń 4 medısına qyzmetkeri bar.

Keshe Almatyda Covid-19-dan 13 naýqas jazylyp shyqqan bolatyn. Olardyń ishinde 2007 jyly týǵan bir bala bar.

– Emdelip shyqqan on adam shetelden kelgender. Onyń altaýy Ystambuldan, ekeýi Dýbaıdan, bireýi Mınskiden jáne bireýi Italııadan ushyp kelgen. Endigi bireýi balalar qalalyq juqpaly aýrýlar aýrýhanasynyń qyzmetkeri bolsa, bireýi jergilikti vırýs juqtyrǵan naýqaspen baılanysta bolǵan. Sondaı-aq 2007 jyly týylǵan qyz da bar, – dedi qalalyq Qoǵamdyq densaýlyq basqarmasynyń basshysy Tileýhan Ábildaev.

Olardyń barlyǵy 14 kúndik úı karantınine jatqyzyldy. Qazirgi ýaqytta qala boıynsha emdelip, aýrýhanadan shyǵarylǵandar sany 80-ge jetti.

Qazirgi ýaqytta ınfeksııalyq stasıonarlarda Almaty oblysynyń bir áıel adamyn qosqanda Covid-19-dan 422 naýqas em-dom qabyldaýda.

Eki naýqastyń jaǵdaıy óte aýyr, 5-eýinde – aýyr, 106 adamda – aýyrlyqtyń ortasha dárejesinde, qalǵandarynyń densaýlyǵy qanaǵattanarlyq.

Provızorlyq gospıtaldarda​ 298 adam jatyr, onyń 18-i​ bala. Karantındik oqshaýlaýda​ – 418, úı karantıninde​ –​ 7992 adam bar. 
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir