​Eńbek jáne halyqty áleýmettik qorǵaý mınıstri Birjan Nurymbetov Ortalyq kommýnıkasııalar qyzmetindegi brıfıngte 42 500 teńgeni sabaqtan bos ýaqytta jumys istep júrgen stýdentter de alatynyn  aıtty.

– "Stýdentter áleýmettik tólem ala ma" degen de suraq kelip jatyr. Bul rette stýdentter degen bólek sanat joq. Sebebi ol – elimizdiń kámelettik jasqa tolǵan azamaty. Eńbek zańyna sáıkes, 16 jastan bastap jumys isteýge bolady. Shákirtaqy alatyndyǵyna, almaıtyndyǵyna qaramastan jumys isteýine esh kedergi joq. Ondaı shekteý de qoıylmaıdy, – dedi B. Nurymbetov.

Onyń aıtýynsha, stýdentter kafe, restoran, taǵy basqa da qosymsha jumys istep júrgenin, tótenshe jaǵdaı kezinde tabysynan aıyrylyp qalǵanyn dáleldese jetkilikti.

– Meıramhanalarda daıashy, dúkenderde satýshy bolyp jumys isteıtinder bar. Olar resmı jáne beıresmı jumys istep júr. Sondyqtan stýdentterge jalpy barlyq azamattarǵa birdeı tártip taraıdy. Eger resmı jumys istese, jumys berýshi beredi. Al óz betinshe aqsha taýyp júrgender bolsa, ótinish berýleri qajet. Biraq, odan bir kún buryn biryńǵaı jıyntyq tólemdi tóleýi kerek. Sol kezde áleýmettik tólem alady. Biz shákirtaqy alatyndyǵyn ne almaıtyndyǵyn tekserip jatpaımyz, – dedi mınıstr.

Eske sala ketsek áleýmettik tólem alýǵa ótinimdi eGov portaly, 42500.enbek.kz veb-saıty jáne Help42500Bot adresi boıynsha Telegram-bot arqyly berýge bolady.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir