Karantın kezinde Almatyny qalaı aınalyp ótýge bolady?

Almaty polısııasy oblys aýmaǵymen Almatyny aınalyp ótý jolynyń syzbasyn kartada kórsetti.

19 naýryz kúni saǵat 00:00-den bastap jarııalanǵan karantın erejelerin saqtaý, sondaı-aq qalanyń kólik arterııasyn túsirý tártibin retteý maqsatynda Almaty polısııasy qalany oblys aımaǵy arqyly aınalyp ótý jolynyń syzbasyn kartaǵa belgiledi.

Bul oblys aımaǵy arqyly qalany aınalý baǵytyn kórsetedi. Shartty túrde, Talǵar aýdanynan Qarasaıǵa jáne t. b. aýdandarǵa qalaı jetýge bolady. Kartada núkte syzyqpen qalany Almaty oblysynyń eldi mekenderi arqyly aınalyp ótý joldary kórsetilgen.

Sonymen qatar, polısııa azamattardy marshrýttardy aldyn-ala josparlap, retteýge, tótenshe jaǵdaılar men karantın erejelerin qatań saqtaýǵa, polısııa qyzmetkerleriniń zańdy talaptaryn saqtaýǵa jáne koronovırýstyq ınfeksııamen kúresý men aldyn-alý sharalaryna túsinistikpen qaraýǵa shaqyrady.