Koronavırýs anyqtalǵan 14 elordalyqtyń jaǵdaıy belgili boldy

Nur-Sultan qalasy qoǵamdyq densaýlyq saqtaý basqarmasynyń basshysy Sáýle Qısyqova koronavırýs juqtyrǵan 14 jańa naýqastyń jaı-kúıi týraly aıtyp berdi, dep habarlaıdy QazAqparat.

– 14 adamnyń barlyǵy bir reıspen kelgen joq. Bes adam – qaladaǵy ınfeksııalyq bloktyń stasıonarynda jatqan. Qalǵan 9 adam – epıdemıologııalyq jaǵdaıy qolaısyz elderden kelgen jolaýshylardy tekserý barysynda tabyldy. Onyń ishinde 4 adam – Bas sanıtarlyq dárigerdiń qaýlysy boıynsha epıdemıologııalyq jaǵdaıy qolaısyz dep tanylǵan Italııa men Ońtústik Koreıadan kelgen, – dedi basqarma basshysy brıfıngte

Onyń aıtýynsha, bir naýqas juqpaly aýrýlar aýrýhanasynda ortasha deńgeıdegi Jedel respıratorlyq vırýstyq ınfeksııa dıagnozymen jatqan. Ony qosymsha tekserý barysynda koronavırýstyq ınfeksııa tabyldy jáne em taǵaıyndaldy.

– Barlyǵynyń jaǵdaıy qanaǵattanaralyq, klınıkalyq belgiler joq. Barlyǵy Nur-Sultan qalasynyń kópbeıindi medısınalyq ortalyǵynyń ınfeksııalyq stasıonaryna jatqyzyldy, – dedi S. Qısyqova.