Koronavırýs. Qazaqstanda úı karantınine alynǵandar artty

Densaýlyq saqtaý mınıstrligi Qazaqstandaǵy koronavırýs boıynsha 16 naýryzdaǵy jaǵdaıdy jarııalady.

Búginde elde 9 adam koronavırýs juqtyrǵan. Onyń 7-eýi Almatyda, 2-ekýi Nur-Sultan qalasynda tirkelgen. Stasıonarlyq karantınde 1641 adam jatsa, 981 adam úı karantınine alynǵan. Keshegi jaǵdaımen salystyrǵanda stasıonarlyq karantınde jatqandar 3 adamǵa azaısa, úı karantınine alynǵandar 337 adamǵa artqan.

Qytaı men ózge elden kelgen azamattardy baqylaý jalǵasýda. Búginge deıin 2626 adam baqylaýǵa alynǵan Olardyń 1689-yna 1 "a" kategorııasy boıynsha, 586 adamǵa 1 "b" kategorııasy boıynsha monıtorıng júrgizilýde. 503 adamǵa monıtorıng toqtatyldy.

16 naýryzdaǵy jaǵdaıǵa saı 2123 adam baqylaýda tur.

Álem boıynsha 158 elde 163 374 adam koronavırýs juqtyrǵan.

1 "a" kategorııasyna kiretin Qytaıda 80 884 jaǵdaı tirkelgen. Sońǵy táýlikte 20 adam vırýs juqtyrǵan. Italııada 24 747 naýqastan vırýs anyqtaldy. Bir táýlikte 3590 jaǵdaı tirkelgen. Iranda 13 938 jaǵdaı, táýlik ishinde 1209 oqıǵa tirkelgen. Ońtústik Koreıada 8162 , táýlik ishinde 76 derek tirkelgen.

1 "b" kategorııasy boıynsha:

- Ispanıda – 7845 jaǵdaı, (táýlik ishinde – 1454 jaǵ.), Germanııada – 5813 jaǵdaı (táýlik ishinde – 1214 jaǵ), Fransııada – 5423 jaǵdaı (táýlik ishinde – 954 jaǵ.).