Almatyda koronavırýs juqtyrǵan áıel adam ózimen baılanysta bolǵan adamdar týraly málimet berýden bas tartqany úshin qylmystyq jaýapkershilikke tartyldy. Bul týraly Almaty qalalyq polsııa departamenti habarlady. 

"Almaty qalalyq polısııa departamenti koronavırýs juqtyrǵan azamat B-nyń sanıtarlyq qyzmet jumysyna kedergi keltirip, vırýsqa shaldyqqannan keıin ózimen baılanysta bolǵan azamattardyń málimetterin berýden qasaqana bas tartqanyn habarlaıdy. Ol Qylmystyq kodeksiniń 304-baby (Sanıtarlyq erejeni nemese gıgıenalyq nomatıvterdi buzý) boıynsha qylmystyq jaýapkershilikke tartyldy" delingen organ taratqan habarlamada.

Qazaqstan densaýlyq saqtaý mınıstrliginiń sońǵy aqparaty boıynsha, elde segiz adamnan koronavırýs tabylǵan. Olardyń altaýy – Almatyda, ekeýi Nur-Sultanda karantındik stasıonarda emdelip jatyr. Buǵan qosa, 1400-den astam adam stasıonarlyq karantınde,  545 adam úıdegi karantınde jabylǵan.

Búgin prezıdent Qasym Jomart Toqaev koronavırýsqa baılanysty Qazaqstan aýmaǵynda bir aılyq tótenshe jaǵdaı jarııalady.

Ilmek sózder: Koronavırýs

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir