Almaty qalasynda Naýryz meıramynyń qarsańynda terakt jasamaq bolǵandar ustaldy. Bul týraly UQK baspasóz qyzmeti habarlady. 

2020 jylǵy 13 naýryzda Ulttyq qaýipsizdik komıteti jedel-izdestirý is-sharalarynyń nátıjesinde Almaty qalasynda "DAISh" (Qazaqstanda tyıym salynǵan) halyqaralyq terrorıstik uıymy ıdeologııasyn ustanýshyny ustap, sot sanksııasymen qamaýǵa aldy.

"Tutqyndalǵan adam Naýryz meıramyn merekeleý kezeńinde halyq kóp shoǵyrlanǵan oryndarda terakt daıyndady dep kúdikke ilindi. Tergeý is-qımyldary barysynda odan eki jaýyngerlik granata alyndy", - delingen UQK habarlamasynda.

Kórsetilgen adamǵa qatysty Qazaqstan Respýblıkasy Qylmystyq kodeksiniń 255 (Terrorızm aktisi) jáne 258 (Terrorıstik nemese ekstremıstik áreketti qarjylandyrý jáne terrorızmge ne ekstremızmge ózge de dem berýshilik) baptary boıynsha qylmystyq ister qozǵaldy.

Tergeý jalǵasyp jatyr.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir