Qoǵamdyq talqylaýlar beıbit jıyndar týraly zań jobasyn jetildirdi - Erlan Saırov

Saıasattanýshy, Ulttyq qoǵamdyq senim keńesiniń múshesi Erlan Saırov qoǵamdyq talqylaýlar barysynda beıbit jınalystar týraly zań jobasy jetildirilgenin aıtty, dep habarlaıdy QazAqparat.

«Bul zań jobasy bir jarym aı boıy qoǵamda talqylandy. Osy oraıda qujattyń bastapqy modeli men qazirgi nusqasyn salystyratyn bolsaq, eleýli ózgerister engizildi. О́ıtkeni ártúrli azamattardyń, azamattyq qoǵam músheleriniń usynystary arqyly zań jobasy jetildi», - dedi E. Saırov tilshilerge bergen suhbatynda.

Onyń sózine qaraǵanda, qujat jobasyndaǵy normalar lıberalızasııa jaǵyna aýysyp otyr.

«Májiliske túsken kezde zań jobasy halyqtyń múddesi turǵysynan taǵy da ushtala túsedi degen úmittemiz. Negizi, bul qujattyń qabyldanýy bizdiń elimizdegi adamdardyń erkindiginiń jańa modelin alyp kelip otyr», - dep toqtaldy saıasattanýshy.

«Bul Ulttyq qoǵamdyq senim keńesinde usynylǵan zań jobasy ekenine toqtalǵan ol «osy oraıda Prezıdent Qasym-Jomart Toqaevtyń saıası reformalary birinshi paketiniń eń negizgi bóligi dep aıtýǵa bolady. Bul - elimizde qoǵamdyq prosesterdi jetildirýde úlken progress», - dedi. Aıta keteıik, búgin Parlament Májilisinde «Qazaqstan Respýblıkasynda beıbit jıyndardy uıymdastyrý jáne ótkizý tártibi týraly» zań jobasy tanystyryldy.