11 Naýryz, 2020 NEWS

Qazaqstanda koronavırýsqa baılanysty jumys kúnder qysqarýy múmkin be?

baq.kz

Memlekettik qyzmet isteri agenttiginiń tóraıymy Anar Jaıylǵanova koronavırýsqa baılanysty memlekettik qyzmetkerlerdiń jumys kúnin qystartý máselesi qaralmaǵanyn aıtty, dep Tengrinews.kz habarlady. 

Májilistiń jalpy otyrysynan shyqqan Anar Jaıylǵanovaǵa jýrnalıster "Koronavırýsqa baılanysty memlekettik qyzmetkerlerdiń jumys kúni qysqarýy múmkin be? Qandaı da bir shekteý engizý josparda bar ma?" dep suraq qoıdy.

– Koronavırýsqa baılanysty memlekettik qyzmettegilerge eshqandaı shekteý joq. Qudaıǵa shúkir, qazir Qazaqstanda koronavırýspen aýyrǵan adamdar tirkelgen joq. Ony keshe ǵana Facebook-te densaýlyq saqtaý mınıstri aıtty, – dedi ol.

Sonymen qatar, agenttik tóraıymy bas sanıtar dáriger Jandarbek Bekshınniń "bir-eki aptada Qazaqstanǵa koronavırýs kirýi múmkin" degen málimdemesine qatysty óz pikirin bildirdi.

– Bul – boljam. Ol "oryndala ma, oryndalmaı ma?" ony bilmeımiz. Sondyqtan biz ondaı shekteýlerdi daıyndap jatqan joqpyz, – dedi Jaıylǵanova.

Ol koronavırýsqa baılanysty memlekettik qyzmetkerler sheteldik is-saparlarǵa shyǵa almaı otyrǵanyn atap ótti.

– Ázirshe shetelderdegi is-saparlardyń barlyǵy toqtap tur, – dedi agenttik tóraıymy jýrnalısterge.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir