Baıqońyrdaǵy apat. Barlyq polıgondar jabylsyn!

Qazaqstan Respýblıkasynyń Úkimetine Qazaqstan Respýblıkasynyń Parlamentine Reseı Federasııasynyń Qazaqstan Respýblıkasyndaǵy Elshiligine Kóshirmesi: Reseı Federasııasynyń Qazaqstan Respýblıkasy, Almaty qalasyndaǵy Bas Konsýldyǵyna NARAZYLYQ Búgin, 2013-jyldyń 2-shildesinde, 8 saǵat 39 mınýtta Reseı Federasııasy jalǵa alyp otyrǵan "Baıqońyr" ǵarysh aılaǵynda búkil álem surapyl tehnogendik apattyń kýágeri boldy. Jer orbıtasyna "Glonass" júıesiniń bólshekterin alyp ushpaq bolǵan "Proton" zymyrany birneshe sekýndtardan soń qozǵaltqyshy isten shyǵyp, jerge qulady. Adam aǵzasy men qorshaǵan ortaǵa ólsheýsiz zııan ákeletin ýly otyn - "GEPTIL" topyraqqa tógilýi múmkin. Onyń kólemi 500 tonna degen málimet jarııa boldy! Bul ǵaryshtyq zymyran ushyrýda birinshi ret bolyp otyrǵan apat emes. Moraldyq turǵyda eskirgen, álemniń órkenıetti elderi qoldanýdy qoıǵan "geptıl" otynymen ushatyn "Proton" zymyrandary qazaq dalasyna san márte qulady. Odan tógilgen ýly zattardyń ekologııalyq, ekonomıkalyq zardabyn reseılik jáne qazaqstandyq bılik ókilderi ádeıi tómendetip, halyqtan jasyryp keledi dep esepteımiz. Bul joly da solaı bolýy ábden múmkin. Sondyqtan, Qazaqstan Respýblıkasynyń qarapaıym azamattary, mynany qatań talap etemiz: 1. Apat saldarlaryn zertteıtin Memlekettik komıssııa óz jumysyn ashyq túrde júrgizýge tıis. Oǵan qoǵam ókilderi, dárigerler, ekologtar, ózge de tıisti mamandar tartylýy kerek. Komıssııa esebi baspa betinde jarııalanýy mindetti. 2. Apattyń sebepteri tolyq anyqtalyp, apat saldarlary joıylǵanǵa deıin, ekonomıkalyq jáne ekologııalyq zardaptardyń orny toltyrylyp, jergilikti halyqqa tıisti kómek tolyq kórsetilgenge deıin bizdiń jerimizdegi "Baıqońyr" ǵarysh aılaǵynan zymyran ushyrý toqtatylsyn! 3. Jalpy alǵanda, biz "Baıqońyr" ǵarysh aılaǵyn jalǵa berý máselesi qaıta qaralýyn suraımyz. "Geptıl" jáne ózge de ýly zattardyń ekologııamyzdy lastaýyna túbegeıli qarsymyz. Bul bolǵan apat - Reseı Federasııasynyń Qazaqstan Respýblıkasy jerindegi "Baıqońyr" ǵarysh aılaǵymen qatar ózge de áskerı polıgondar máselesine jańasha qaraýǵa shaqyratyn úlken sebep dep bilemiz. Reseıdiń áskerı polıgondary - "Kapýstın Iаr", "Sary Shaǵan", "Embi", ""Balqash-1", "Saryózek" t,b. áskerı maqsattaǵy nysandardyń jalǵa alý aqysy esh sebepsiz tómendetilgen jáne turǵylyqty halyqqa tıgizetin zalaly ólsheýsiz. Olar túgeldeı reseılik óktemdik negizinde ornalasyp otyrǵany anyq. Biz jalǵa tólengen eshqandaı aqsha, tipti mıllıardtar halyqqa shektirgen zııandy óteı alady dep oılamaımyz. Biz Qazaqstannyń jáne Reseıdiń bıliginen Qazaqstan Respýblıkasy jerindegi barlyq áskerı polıgondardy jabýdy talap etemiz! Respýblıkanyń barlyq azamattaryn, qoǵamdyq uıymdardy, saıası partııalardy osy talapty qoldaýǵa shaqyramyz! Qazaqstan azamattary: Muhtar TAIJAN Aıdos SARYM Qasym AMANJOLULY Aıdos JUQANULY Abzal QUSPAN Janat ESENTAI Berik ShADǴALI Dýman KÁKIM Edige AHMET Maqsat ILIIаSULY Samat NURTAZA Aman MÁMBETÁLI Baqyt MUHTAR Erjan ALASh Aıgúl MAZAQBAI Álibı ÁRIP