Búgin Semeı qalasynda "Qazatomónerkásip" kompanııasynyń burynǵy jetekshisi Muhtar Jákishevke qatysty sot otyrysy bastaldy.

Onda Jákishevtiń merziminen buryn sharty merzimge bosatý týraly ótinishi qarastyrylýda.

Ol 2009 jyly mamyrda ustalǵan soń sybaılas jemqorlyq qylmysyn jasady dep aıyptalyp, 14 jylǵa sottalǵan. Ol jazasyn óteýge aldymen Almaty oblysyndaǵy Zarechnyı kentindegi túrmege jiberilgen, keıin Qaraǵandy oblysynyń Dolınka kentindegi qatań rejımdegi AK-159/6 kolonııasynda boldy. 2015 jyly týystary, advokaty men quqyq qorǵaýshylardyń ótinishiniń arqasynda ol Dolınkadan qaıta Zarechnyıǵa jiberilgen. Biraq 2017 jyly UQK-niń burynǵy tóraǵasy Nartaı Dútbaevtyń isine qatysty tergeý isine qatysý úshin Astana qalasynyń ızolıatoryna etappen jiberilgen. Tergeý isi aıaqtalǵan soń mamyr aıynda Dolınkaǵa, al shilde aıynan beri Semeı qalasyndaǵy qatań rejımdegi kolonııada jazasyn ótep jatyr.

♦"5 saǵattyq qoıylym": Sýdıa Muhtar Jákishevti merziminen buryn bosatýdan bas tartty

Eske sala ketsek, «Qazatomprom» eks-basshysynyń advokaty Nurlan Beısekeev sońǵy medısınalyq tekserilýden soń onyń bas mı júıesinde aqaý bar ekeni anyqtalǵanyn aıtqan bolatyn.  Keıin byltyrǵy jyldyń 17 shildesinde Jákishovti Qaraǵandy oblysyndaǵy kolonııadan ShQO-oblysy Semeı qalasyndaǵy qatań rejımdi kolonııaǵa aýystyrdy. Osynyń sebebinen Muhtar Jákishevtiń densaýlyǵy taǵy da nasharlaı tústi.

Al jazda onyń jaǵdaıy múldem asqyna bastady. Jákishev úshinshi toptaǵy múgedek qataryna qosylyp, jumys jasaý qabiletiniń 50 paıyzynan aıyryldy. Sonymen birge Muhtar Jákishevtiń joǵary qan qysymnyń kesirinen kózdiń ishki tor qabyǵy jarylyp ketken. Kúz  mezgilinde Qaraǵandy qalasynda Jákishevtiń kózine operasııa jasaldy. 

♦Muhtar Jákishev: "Sybyrlap aıtylǵan shyndyq qatty ári jańǵyryp estiledi"

Qyrkúıek aıynda Muhtar Jákishevtiń anasy qatty syrqattanyp qaldy. Jákishev hál ústinde jatqan naýqas anasymen kezdesýine ruqsat berýin surap, ótinish jazdy. 18 qyrkúıekte Muhtar Jákishevtiń anasy qaıtys boldy. Keıin qaraly habardy estigen Muhtar Jákishev anasyn sońǵy saparǵa shyǵaryp salýdy surap, ótinish jazdy. Biraq oǵan mundaı múmkindik berilmedi. 

Memleket basshysy Qasym-Jomart Toqaev Jákishevtiń sotyna qatysty da pikir bildirgen edi. 

"Muhtar Jákishevtiń máselesi tek sottyń quzyretine jatady. Árıne, Jákishevtiń densaýlyǵyna baılanysty shartty túrde merziminen bosatýdy suraǵanynan habardarmyn. 3 naýryzda sot otyrysy ótedi. Sot sheshimin kútemiz. Sottyń ádil sheshim shyǵaratynyna senimdimin" dedi Toqaev. 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir