• USD 405.69
  • EUR 455.51
  • RUB 5.72
  • CNY 57.42

20 Aqpan, 2020 Aıtty-eı, baýyryń!

Qaırat Joldybaıuly: Toqaevtyń ýáde etken saıası reformalary aıaqsyz qalatyn túri bar

Ashyq derekkóz

Prezıdent Toqaevtyń saıası reformalary aıaqsyz qalýy múmkin. Bul týraly Ulttyq keńestiń múshesi, dintanýshy Qaırat Joldybaıuly óziniń facebook paraqshasynda jazdy. 
 
"Ulttyq keńestiń kóterip, Toqaevtyń ýáde etken partııa qurýdy jeńildetýge, mıtıngke qatysty saıası reformalary aıaqsyz qalatyn túri bar.
Sebebi mıtıngke qatysty usynylyp otyrǵan zań jobasy jáne Janbolat Mamaıdyń partııa qurýyna jasalyp jatqan qysym osyny kórsetedi. Bul jaǵdaıda ulttyq keńestiń kelesi otyrysy bolmaýy da yqtımal.
Baqytjan Buqarbaı keńes quramynan shyqqandyǵyn, al Arman Shoraev shyǵýy múmkin ekendigin málimdedi. Ýáde etilgen reforma bolmaǵan jaǵdaıda bul tizim jalǵasa beretindigi sózsiz", - dep jazdy Qaırat Joldybaıuly. 

Ulttyq keńesten Buqarbaev shyǵyp, Taıjan jumysyn synady (vıdeo)
 
Buǵan deıin baspager Baqytjan Buqarbaı Ulttyq keńesten resmı túrde shyqqanyn málimdegen bolatyn. Al ulttyq keńestiń taǵy bir múshesi Muhtar Taıjan áleýmettik jelidegi paraqshasynda demokratııalyq jáne naryqtyq reformalar bastalmaı jatyp, sońy sıyrquıymshaqtanyp bara jatqanyna alańdaýshylyq bildirgen.
 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir