Bosatylǵan 47 adam tek qujatsyz júrgender bolyp shyqty

Bul týraly búgin Úkimet otyrysyna kelgen Ishki ister mınıstrligi tergeý departamentiniń dırektory Sanjar Ádilov aıtty, dep habarlaıdy Qamshy.kz aqparat agenttigi. 

Qordaı aýdanynda bolǵan jaǵdaıǵa qatysty pikir bildirgen Ishki ister mınıstrligi tergeý departamentiniń dırektorynan jýrnalıster Qordaıdaǵy tóbelesten keıin ustalyp, qaıta bosatylǵan 47 adam týraly suraǵan bolatyn.

«Rasynda da qujatsyz júrgen adamdardyń kim ekenin anyqtaý úshin ustap, qylmystyq esepke tirkeldi. Olardy jedel tekserip, atalǵan iske qatysy bolmaǵannan keıin bosattyq», - dedi ol.

Sonymen qatar, Sanjar Ádilov  Jambyl oblysy polısııa departamenti terrıtorıaldyq bólimsheleri 25-ten astam qylmystyq is qozǵaǵanyn atap ótti.