Búgin, 10 aqpanda Jambyl oblysy ákimi qyzmetinen bosatylǵan Asqar Myrzahmetov oblys ákimdiginde ótken jıynda Qazaqsatnnyń eks-prezıdenti Nursultan Nazarbaev pen qazirgi prezıdenti Qasym-Jomart Toqaevqa alǵys aıtty. 

Oblys aktıvinde sóz alǵan Myrzahmetov óziniń otstavkaǵa ótinish berý sebebin Qordaıda bolǵan dúngender men qazaqtar arasyndaǵy janjalmen baılanystyrdy. 


- О́kinishke qaraı oblysymyzda óte aýyr qaıǵyly jaǵdaı boldy. 10 adam qaza bolyp, júz jetpisten astam adam jaraqattandy. Bul tek jambyldyqtar úshin ǵana emes barsha elimiz úshin ońaı tımedi. Osy turǵyda men oblys ákimi retinde jumysty jalǵastyrý moraldik turǵyda aýyr dep eseptedim. Sondyqtan da prezıdentke óz erkimmen otstavkaǵa ketý týraly ótinish jazdym. Sheshimimdi qabyldaǵan memleket basshysyna raqmet. Eń aldymen, alǵysty elbasyǵa aıtqym keledi. Kezinde osy qyzmetke taǵaıyndaǵan elbasy. Senim bildirdi. Sol senimge úlken alǵys bildiremin.  Odan keıin Qasym-Jomart Kemelulyna alǵys aıtamyn. Prezıdent retinde Jambyl oblysyna, Jambyl oblysynyń ákimdigine, maǵan qoldaý kórsetti, - dedi ol.

Búgin Jambyl oblysynyń ákimi Asqar Myrzahmetov óz erkimen qyzmetinen kettip, onyń ornyna ákim bolyp prezıdent Toqaevtyń jarlyǵymen Berdibek Saparbaev taǵaıyndalǵan bolatyn.

Búgin túske qaraı Toqaev  Myrzahmetovke "óz jumysyna salǵyrt qarady" dep Jambyl oblysynyń ákiminiń áleýmettik máseleler jónindegi orynbasary Sulýshash Qurmanbekovany jáne Qordaı aýdanynyń ákimi B.Baıtóleni, al ishki ister mınıstri Erlan Turǵymbaevqa Jambyl oblysy polısııa departamentiniń bastyǵy Arman Orazalıevti jáne Qordaı aýdandyq polısııa bóliminiń bastyǵy A.Aıqymbekovty qyzmetinen bostýdy tapsyrǵan edi. 

Aqpannyń 7-si kúni Jambyl oblysy Qordaı aýdanynda bolǵan etnıkalyq janjalda 10 adam qaıtys bolyp, 40-tan astam adam jaraqattanǵan. 36 turǵyn úı men 11 kommersııalyq nysan jáne 44 avtokólik órtengen.  Etnıkalyq janjaldyń shyǵý sebebi naqty belgisiz. Biraq Qarakemer aýyly turǵyndarynyń sózinshe, janjal etnıkalyq dúngender men qazaqtardyń kólikpen kele jatyp, jolǵa talasýynan bastalǵan.  


 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir