• USD 389.52
  • EUR 429.21
  • RUB 6.07
  • CNY 54.94
29 Naýryz, 00:10:33
Shyńjańdyq dúngen: Dereý qazaqtardan keshirim surańdar! (aýdıo)

08 Aqpan, 2020 NEWS

78 jastaǵy qarııa men onyń uldaryn uryp-soqqan dúngender qamaýǵa alynbaǵan

Ashyq derekkóz

Polısııa qyzmetkerleri 78 jastaǵy qarııa men onyń uldaryn uryp-soqqan dúngenderdi jazalamaǵan. Bul týraly Qordaıdaǵy qaqtyǵystan zardap shekken 78 jastaǵy qarııanyń uly Nurlan Tólegenuly aıtty. 

– Bizdi soqqyǵa jyqqan dúngenderdi qamaýǵa almady. Aýdandyq ishki ister bólimine barǵan kezde dúngenniń advokatyn kórdim. Qazaq áıeli álgi dúngenderdiń qorǵaýshysy eken. Ol maǵan "men bulardan bólek basqa da dúngenderdi qorǵap, shyǵaryp alǵanmyn" dep aıtty. Advokattyń aty-jónin bilmeımin. Aýdandyq ishki ister bóliminde maǵan birneshe suraq qoıdy. Birazdan soń advokat ákemniń qaıda ekenin surady. Keıin ákemmen sóılesti. Meni eshqaıda shyǵarmady. Suransam 5 mınýtqa ǵana syrtqa shyǵýyma bolady. Al álgi dúngen bolsa emin-erkin kirip-shyǵyp júredi. Sonda olarǵa zań joq bolyp tur ǵoı. Keıin túngi 01:00-ge deıin bizdi ustap, suraq qoıdy. Álgi dúngenderdi bosatyp jiberdi. Tańerteń ertemen aýdandyq ishki ister bólimine baryp, dúngen jigittiń qaıda ekenin surasam, sol jerdegiler "bilmeımin" dep qysqa qaıyrdy. Aýdandyq ishki ister bólimi basshysynyń orynbasary "búgin úsheýin de qamaýǵa alamyn, tórtinshisi joq" dep moıyndamaı qoıdy. Al men tórtinshi dúngendi sıpattap jazyp bergenmin. Biraq áli taba almaǵan, –  deıdi Nurlan Tólegenuly.   

Búgin Qordaıdaǵy jaǵdaıǵa baılanysty prezıdent Toqaev shuǵyl jıyn ótkizip, qaqtyǵys kezinde qaza tapqandardyń otbasyna kóńil aıtty. IIM Erlan Turǵymbaev qaqtyǵys kezinde 8 adamnyń qaza tapqanyn 2 polıseıdiń jaraqat alǵanyn málimdedi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir