• USD 389.52
  • EUR 429.21
  • RUB 6.07
  • CNY 54.94
28 Aqpan, 14:22:51
Shyńjańdyq dúngen: Dereý qazaqtardan keshirim surańdar! (aýdıo)

08 Aqpan, 2020 NEWS

Islam Baıramýkov Qordaı aýdany turǵyndaryn birlik pen yntymaqqa shaqyrdy

Qazaqparat

Sıdneı Olımpıada oıyndarynyń kúmis júldegeri dańqty palýan Islam Baıramýkov Qordaı aýdany turǵyndaryn birlik pen yntymaqqa shaqyrdy, dep habarlaıdy QazAqparat.

«El bolǵannan keıin mundaı jaıttar bolyp turady. Biraq, ony aqsaqaldar alqasynyń aralasýy arqyly, zańdy túrde ǵana jaqsylyqpen sheshilýi tıis dep esepteımin. Muny tez arada sheshý kerek. Áıtpese, bireýdiń múlkin qıratyp, úıin órtep jiberý esh jaqsylyqqa aparmaıdy. Elimizdiń tatýlyǵyn, birligin saqtaý úshin kúsh salý qajet. Jas emespiz, ómirden alǵan azdy-kópti tájirıbemiz bar. Alla Taǵala meıirimdi, adam balasynyń barlyq kúnásin keshiredi. Al onyń aldynda biz kimbiz, bir-birimizdi keshire almaıtyndaı? Qordaı aýdany turǵyndaryn birlik pen yntymaqqa shaqyramyn», - dedi ol agenttik tilshisine bergen suhbatynda.

Dańqty palýan Qordaı aýdanynda oryn alǵan jaǵdaıǵa kináli adamdar zańdy túrde jazalanýy tıistigin basa aıtty.

«Búginde elimiz sporttan bolsyn, saıasattan bolsyn álemge tanymal elge aınaldy. Bul baǵytta áli de kóptegen is-shara atqarylyp jatyr. Biraq, mundaı keleńsizdikke jol bermeýimiz kerek. Árıne, ár ulttyń namysy bar. Namysqa tıetin de jaıttardyń oryn alatyndyǵy jasyryn emes. Biraq, kináli adamdy anyqtap jazalaý kerek. Bul máseleni jaqsylyqpen sheshý qajet», - dedi Islam Baıramýkov.

Buǵan deıin Jambyl oblysynyń Qordaı aýdanyndaǵy Masanchı aýylynyń turǵyndary arasynda jappaı tóbeles bolǵanyn habarlaǵan bolatynbyz. Kóp ótpeı Prezıdent Qasym-Jomart Toqaev Jambyl oblysy Qordaı aýdanynda bolǵan jappaı tóbeleske qatysty pikir bildirdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir