Qamshy.kz
Jambyl oblysy Qordaı aýdanyna attanǵan Qamshy tilshisiniń habarlaýynsha, turǵyndar arasynda jappaı tóbeles boldy delingen Masachı aýylynyń mańyndaǵy Aýqatty jáne Bular batyr aýylynda úıler men kólikter órtenip jatyr.
Masanchı aýylyna eń jaqyn ornalasqan aýyldardyń biri - 15 shaqyrym jerdegi Sarytóbe aýyldyq okrýgine qarasty Bular batyr aýyly men Aýqatty aýyldyq okrýginde kemi 20 shaqty úı otqa oranǵan. 30-ǵa jýyq kólik órtenip jatyr. Ony sóndirip jatqan eshkim joq.
Aýyl ishinde júzdegen narazy jastar júr. Ashýǵa býlyqqan olar Masachı aýylyna qaraı bet alǵan. Alaıda júzdegen arnaıy jasaq pen polısııa ókilderi Bular batyr aýylynyń ortalyq kóshesine bóget qoıyp, olardy jibermeı jatyr. Polısııa ókilderi Qamshy tilishisiniń "Kólikter men úılerdi kim órtedi" degen suraǵyna jaýap bermedi.
Qamshy tilshisimen sóılesken Bular batyr aýynyń turǵyny (ózin Isa dep tanystyrǵan jasy 60-tan asqan etnıkalyq dúngen aýylda 4 myńdaı adam turatynyn aıtqan. Bul aýylda turatyndardyń basym bóligi dúngender. Qazir aýyl turǵyndarynyń kóbi úılerin tasap qashyp ketti" dedi Bular batyr aýylynyń turǵyny.
Turǵyndar arasyndaǵy jappaı tóbelestiń neden bolǵany áli belgisiz.
Qamshy tilshisi aldaǵy ýaqytta Masanchı aýylyna kirýge tyrysady.
Buǵan deıin arnaıy jasaq pen polısııa Qarasý aýylyndaǵy blok postan adamdardy Masachıǵa qaraı jibereı turǵany habarlanǵan.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir