"Qazaqstandyqtar Qytaıda qalýǵa nıet bildirdi"

Qazirgi tańda Qytaıda 780-ge jýyq qazaqstandyq turady, olardyń ishinde elge qaıtýǵa ótinish bildirgen azamattar sany óte kóp. Bul týraly Primeminster saıty habarlaıdy. 

Premer-Mınıstrdiń orynbasary Berdibek Saparbaev elde koronavırýstyń paıda bolýy men taralýyn boldyrmaý maqsatynda vedomstvoaralyq komıssııanyń kezekti otyrysyn ótkizdi.

Densaýlyq saqtaý mınıstri Eljan Birtanovtyń aıtýynsha, qazirgi ýaqytta Qazaqstanda koronavırýs ınfeksııasy tirkelgen joq. Qytaımen memlekettik shekara arqyly ótetin barlyq ótkizý pýnktterinde sanıtarlyq-epıdemıologııalyq baqylaý jalǵasýda, 6 qańtardan bastap 21,8 myń adam qaraldy.Sonymen qatar, 5 aqpanda dene qyzýy kóterilgen 104 adam aýrýhanaǵa jetkizildi, olardyń 71-i bosatyldy, 33 adam aýrýhanalarda qaldy, barlyǵy tekseristen ótti.

Ýhannan 1 kún buryn evakýasııalanǵan 83 qazaqstandyq karantınde. Zerthanalyq zertteýlerdiń nátıjesi boıynsha, kelgen adamdarda koronavırýstyq ınfeksııanyń bolmaǵany anyqtaldy. 

"Qazirgi ýaqytta Qytaıda 780 Qazaqstan azamaty bar, olardyń 559-y stýdentter. 427 adam Qazaqstanǵa jetkizýdi surady, al qalǵandary Qytaıda qalýǵa nıet bildirdi", - dedi syrtqy ister mınıstriniń birinshi orynbasary Shahrat Nýryshev. 

Berdibek Saparbaev koronavırýstyń paıda bolýy men taralýyn boldyrmaýǵa arnalǵan birqatar naqty mindetterge toqtalyp, barlyq qyzmetterdiń jumysyn qarqyndy rejımde jalǵastyrý qajettigin atap ótti.