Tengrinews.kz
Halyq arasynda tez taralǵan Kosarevtiń uıyqtap otyran vıdeosy qyzý talqyǵa tústi. Biraq bul vıdeoǵa qatysty depýtattar ózderiniń pikirin bildirdi. Bul týraly Tengrinews tilshisi habarlady.
Eske sala keteıik, áleýmettik jelide taraǵan vıdeoda depýttatyń suraq qoıyp jatqandyǵyn kórýimizge bolady. Iаǵnı, onyń qasynda otyrǵan májilis depýtaty Vladıslav Kosarev kózin jumyp otyrǵany vıdeoǵa túsip qalǵan. Muny baıqaǵan, jeli qoldanýshylary negatıvti pikirlerin bildirip, qyzý talqylaý ústinde.Osy oraıda bul máselege qatysty depýtattar bylaı dep pikir bildirdi.
"Vıdeony kórdim. Onda depýtat uıyqtap otyrǵan joq. Ol kisiniń otyrysy sondaı, 82 jastaǵy azamat qoı, ári kommýnıstik partııa atynan saılaǵan májilis depýtaty. "Bir depýtat uıyqtap otyr" dep barlyǵyna kúıe jaǵýǵa bolmaıdy. Ár adam óz áreketine jaýap berýi kerek", - deıdi Senat depýtaty Murat Baqtııaruly.
Al májilis depýtaty Baqytgúl Hamenova áriptesteriniń áreketine qatysty pikir bildire almaıtynyn jetkizdi. "Vıdeoda áriptesimiz emosıonaldy túrde sóılep jatyr. Onyń janyndaǵy adamnyń uıyqtap jatpaǵany yqtımal", - dedi.
Májilis depýtaty Nurlan Álimjan vıdeony kórgenin, biraq máseliniń mán-jaıyn bilmeıtin aıtty.
"Onda adam uıyqtap otyrǵan sııaqty. Biraq anyǵyn bilmedim. Bireýdiń artynan syn aıta almaımyn", - dep jaýap qaıyrdy.
"Sondaı-aq, Azat Perýashev: vıdeony kórgen joqpyn. Qazir Arys qalasyna jumys saparymen keldim. Onda "Aq jol" partııasynyń tóraǵasyn saılaǵaly jatyrmyz. Sondyqtan bul máselege qatysty pikir bildire almaımyn", -dedi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir