Berdibek Saparbaev: "Zeınetaqy jınaqtaryn paıdalaný usynysyna qoldaý bildirildi"

Bul týraly QR Premer-Mınıstriniń orynbasary Berdibek Saparbaevtyń tóraǵalyǵymen ótken zeınetaqy júıesin odan ári jetildirý boıynsha jumys tobynyń kezekti otyrysynda aıtyldy dep habarlaıdy "Qamshy.kz" aqparat agenttigi primeminister.kz saıtynyń deregin negizge alyp.

Kezdesýde áýeli zeınetaqy júıesiniń tıimdiligin arttyrý máselesi qaraldy.

«Jalpy, Memleket basshysy jumys tobynyń usynystaryn qoldady. Endi Prezıdenttiń tapsyrmalaryn eskerýmen bizdiń jumysymyzdy jalǵastyrý qajet, onyń ishinde zeınetaqy júıesin odan ári jańǵyrtýdy jedeldetý, ákimshilik shyǵyndardy qysqartý, eń tómengi jalaqy kólemin jáne jınaqtaýshy zeınetaqy júıesiniń tıimdiligin arttyrý máselesin pysyqtaý kerek», – dedi B. Saparbaev.

"Tıimdiligin arttyrý" demekshi, Premer-Mınıstriniń orynbasary tórt kóz túgel jınalǵan basqosýda zeınetaqy jınaqtarynyń bir bóligin paıdalaný bastamasy boıynsha da toqtalyp ótti: 

«Turǵyn úı satyp alý jáne qymbat turatyn emge aqy tóleý úshin zeınetaqy jınaqtaryn paıdalaný usynysyna qoldaý bildirildi. Bul quqyqty paıdalana alatyn azamattardy kezeń-kezeńmen qamtýdy arttyrýdy eskerýmen qosymsha esepteýler júrgizý qajet», – dedi Berdibek Máshbekuly.

Atap ótelik, jıynǵa eńbek jáne halyqty áleýmettik qorǵaý mınıstri Birjan Nurymbetov, «Qazaqstan qarjygerler qaýymdastyǵy» ZTB keńesiniń tóraǵasy Elena Bahmýtova, «First Heartland Jysan Bank» AQ Dırektorlar keńesiniń múshesi Bolat Jámishev, QR Prezıdentiniń shtattan tys keńesshileri Tamara Dúısenova jáne Oljas Qudaıbergenov, sondaı-aq memlekettik organdar men úkimettik emes uıymdardyń, «Atameken» UKP ókilderi, sarapshylar men qoǵam qaıratkerleri qatysqan.