vıdeodan skrınshot
О́tken jyldyń qarasha aıynda Dımashtyń Germanııaǵa alǵashqy sapary kezinde "Dımash Germanııa Fan klýby" jáne "Dımash Qudaıbergen Mádenıet klýby" Dımashqa óz súıispenshilikterin bildirý maqsatymen ár jankúıer bir-bir raýshan gúlin syıǵa tartýǵa sheshim qabyldaǵan. Bul sheshimnen keıin, jankúıerler qushaq-qushaq gúlge jumsalatyn qarajat edáýir sommaǵa aınalǵanyn baıqaıdy.
Jankúıerler bul qarjyny qazaqstandyqtarǵa kómek kórsetý úshin Dımashqa tabystaýdy josparlaǵan. Alaıda, bul iske aspady. Osy oraıda, "Dımash Germanııa Fan klýby" jáne "Dımash Qudaıbergen Mádenıet klýbtarynyń" atynan Jannur Joldashan qarjyny Qazaqstandaǵy muqtaj jandarǵa jumsaýdy uıymdastyrýǵa kómegin usyndy.
Almaty qalasynyń ortalyq meshitine qarasty "Yqylas" qaıyrymdylyq qorynyń kómegimen, bul jınalǵan aqshaǵa 22 muqtaj otbasyna 2 aıǵa jetetindeı azyq-túlik taratyldy.
Qaıyrymdylyq sharasyn uıymdastyrýǵa belsene atsalysqan "Yqylas" qaıyrymdylyq qorynyń jetekshisi Abylaı Taıyrjanuly men meshit qyzmetkerlerine jankúıerler erekshe alǵystaryn bildiredi.
Bul ıgi bastamany "Dımash Germanııa fanklýby" men "Dımash Qudaıbergen Mádenıet klýbtary" aldaǵy ýaqytta dástúrge aınaldyrýǵa sheshim qabyldap otyr.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir