16 Qańtar, 2020 Oqıǵalar
Foto ashyq derekózderden alyndy.
Aqtóbede qylmystyq ister jónindegi mamandandyrylǵan aýdanaralyq sotynda "súıiktisin óltirdi" delingen Baqyt Orynbasarovqa sot úkimi shyqty, dep jazady Qamshy.kz aqparat agenttigi Qazaqparatqa silteme jasap.
Qazaqparattyń jazýynsha, Baqyt Orynbasarovqa súıiktisi Ásem Elbrýsovany óltirdi degen aıyp taǵylyp otyr. Olar 2018 jyly tanysyp, 2019 jyly otbasy qurýǵa kelisken. Tergeý nusqasy boıynsha, eki jas jaldamaly páterde kezdesip, 23 jastaǵy sottalýshy sol jerde 22 jastaǵy bolashaq jaryn óltirgen.
Keshegi sot otyrysynda Orynbasarov sotta sońǵy sózin aıtyp, keshirim suraǵan. Al búgin sot Orynbasarovqa 10 jyl túrme jazasyn kesken.
"Baqyt Orynbasarov Qylmystyq kodekstiń "Adam óltirý" baby boıynsha aıypty dep tanylyp, 10 jylǵa bas bostandyǵynan aıyrý jazasy taǵaıyndalsyn. Jazasyn qylmystyq atqarý júıesiniń qaýiptiligi joǵary túzetý mekemesinde ótesin" dedi sýdıa A. Sabyr.
Sottalýshy jábirlenýshige 2,7 mıllıon teńge materıaldyq jáne 3 mıllıon teńge moraldyq shyǵyndy óteýi tıis. Jábirlenýshi tarap úkimmen kelispedi, apellıasııalyq shaǵym beredi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir