ShQO-nyń áleýmettik-ekonomıkalyq damýyna joǵary baǵa berildi

Parlament Májilisiniń tóraǵasy Nurlan Nyǵmatýlın О́skemendegi D.Serikbaev atyndaǵy Shyǵys Qazaqstan memlekettik tehnıkalyq ýnıversıtetinde bolyp, oqytýshylarmen, stýdenttermen kezdesti. Basqosý barysynda Májiliste jańadan maquldanǵan zańdar men kóptegen zańnamalyq aktilerge qatysty tolyqqandy túsinik berdi.

Kezdesýde Nurlan Nyǵmatýllın Elbasynyń el aldyndaǵy eren eńbegin de erekshe atap ótti.

– Shyǵys Qazaqstan – elimizdiń qýatty óńirleriniń biri. Munda ınvestısııa molynan quıylýda, qurylys qarqyn alyp, jańa óndiris oryndary men áleýmettik nysandar boı kóterip keledi. Jaqynda ǵana oblys ákimin qabyldaǵan Prezıdent Qasym-Jomart Toqaev aımaqta atqarylǵan jumystarǵa, óńirdiń áleýmettik-ekonomıkalyq damýyna joǵary baǵa berdi. Ásirese, oblys basshysynyń oblystyń ǵylymy men bilim berý salasyn damytýdaǵy jáne óńir medısınasyn buryn-sońdy bolmaǵan jańa deńgeıge kóterýdegi eseli eńbegi erekshe atalyp ótildi. Sıfrlandyrý qarqyn alyp, oblys zaman talabynyń suranysyna saı damyp keledi. Bolashaq bilimdi jastardyń qolynda, – dedi Nurlan Nyǵmatýlın.

Kezdesý barysynda Parlament Májilisiniń tóraǵasy bıyl Uly aqyn – Abaıdyń 175 jyldyq mereıtoıy halyqaralyq deńgeıde toılanatynyn atap ótti. Osy maqsatta 500-den astam is-shara ótedi. Sondaı-aq ol Prezıdenttiń «Abaı jáne HHI ǵasyrdaǵy Qazaqstan» atty maqalasynda aıtylǵandarǵa jete toqtaldy. Budan bólek jıynda «Pedagog mártebesi týraly» zań da jan-jaqty talqylandy. Basqosýda Nurlan Nyǵmatýlın qatysýshylar tarapynan qoıylǵan saýaldarǵa jaýap berdi. Sonymen qatar erikti jastarmen kezdesip, pikir almasty.

– Bıyl Qazaqstan volonterlar jyly. El jastaryna óz áleýetterin tolyqtaı tanytýǵa zor múmkindik bar, – dedi Májilis tóraǵasy.