• USD 389.52
  • EUR 429.21
  • RUB 6.07
  • CNY 54.94
28 Qańtar, 14:38:04
Qazaqstan Ýkraınanyń saýda naryǵyna alańdaýly

09 Qańtar, 2020 NEWS

"Oılaý ortalyǵy" qurylady

Mundaı tosyn jańalyq Tuńǵysh Prezıdent qorynyń bıylǵy josparynyń jarııalaný sátinde aıtyldy. Mejege sáıkes aldaǵy ýaqytta atalǵan qordyń negizgi baǵyttary boıynsha 125 is-shara ótkizý kózdelgen.

Foto: elbasy.kz  

Bul týraly Elbasy qorynyń atqarýshy dırektory Áset Isekeshev Nursultan Nazarbaevtyń qabyldaýynda jetkizdi dep habarlaıdy «Qamshy.kz» aqparat agenttigi «elbasy.kz» saıtyn derekke alyp.

Kezdesý barysynda Áset Isekeshev qor janyndaǵy Álemdik ekonomıka jáne saıasat ınstıtýtynyń qyzmeti týraly aqparat bere kelip:

– Álemdik ekonomıka jáne saıasat ınstıtýtynyń negizinde geosaıasat, ekonomıka, adam kapıtaly, sondaı-aq, áleýmettik jáne aımaqtyq zertteýler júrgizý úshin strategııalyq «oılaý ortalyǵy» qurylady. Biz 20-dan astam konferensııalar, dóńgelek ústelder men forýmdar ótkizdik,  – dedi. 

Osylaısha, aty obstraktyly ortalyqtyń naqty isteıtin isin de bylaıǵy jurtqa obstraktyly kúıde qaldyrdy Áset Isekeshev.

Budan bólek, ol qordyń áleýmettik jáne bilim berý salalaryndaǵy jobalarynyń iske asyrylýy týraly baıandap, 2020 jylǵa arnalǵan jumys jospary týraly málimet usyndy.

Onyń aıtýynsha, 2019 jyly uıym 95 jobany júzege asyrdy. Olardyń qatarynda bilim jáne ǵylym salasyndaǵy daryndy jastardy qoldaý jobalary bar. Áleýmettik salada birqatar jobalar, sonyń ishinde qaıyrymdylyq sharalary da júzege asyrylǵan. Sonyń áserinen 2019 jyly qor jobalarynyń qamtý aıasy aıtarlyqtaı keńeıgen.

«Keńeıgen» demekshi, «quraýdan» qur alaqan emes qor qatysýshy adam sanyn da qatyryp jibergen. Atqarýshy dırektordyń óz sózimen tápsirleseńiz «Is-sharalarǵa qatysýshylardyń jalpy sany 460 myń adamdy qurady» deıdi ol.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir