Almatylyq polıseı: «Keýdesinde kishkentaı sábı jatty»

Ssábıdi qutqaryp qalǵan almatylyq polıseı kópshilikke ushaq apatynan keıingi jaǵdaıdy aıtyp berdi. Ol shaqyrtý kelip túsken kezde ózderiniń jaqyn mańda júrgenin, oqıǵa ornyna tez jetkenin,  áriptesi ekeýiniń birneshe adamdy syrtqa alyp shyqqanyn jetkize kelip:

«Arasynda marqumdar da boldy. Sosyn bizge «úıdiń art jaǵyn qarańdarshy, taǵy adamdar bolýy múmkin» dedi. Biz sol jaqtan 30-35 jastaǵy áıeldi taptyq. Ol aıaǵy synyp, únsiz jatyr eken. Keýdesinde kishkentaı sábı jatty. Biraq alǵashynda men onyń bala ekenin bilmedim. Bilgen soń áıelge «balany alyp, jedel járdemge berem» dedim. Ol kózin jumyp, kelisimin berdi», – deıdi Jaqsylyq Sultanov.

Osylaısha, jaraly ananyń keýdesin "panalaǵan" sábı aman qalǵan. 

Atap óterligi, náresteni kóterip alyp shyqqan Jaqsylyq Sultanov – Almaty qalalyq polısııa departamenti patrýl polısııa polkiniń aǵa leıtenanty. Al sábı mı jaraqatymen aýrýhanaǵa túsken. Jaǵdaıy birqalypty. Al onyń ákesi  Ǵatıat Maqsut bas jaraqatymen shuǵyl medısınalyq qyzmet kórsetý aýrýhanasyna jatqyzylsa, anasy Ǵatıat Aısulý kishi jambas urshyq býynynyń soqqysy, bel omyrtqasynyń jaraqaty dıagnozymen túsken.