• USD 389.52
  • EUR 429.21
  • RUB 6.07
  • CNY 54.94
29 Qańtar, 22:05:42
Qazaqstan Ýkraınanyń saýda naryǵyna alańdaýly

07 Jeltoqsan, 2019 Barlyq aımaqtar

JYLYOI AÝDANYNDA EKI ÁLEÝMETTIK INFRAQURYLYM NYSANY AShYLDY

qamshy.kz

Áleýmettik nysandardyń qurylysy «Teńizshevroıl» JShS-niń «Igilik» baǵdarlamasy aıasynda júzege asyryldy.

«Teńizshevroıl» JShS óziniń «Igilik» áleýmettik ınfraqurylymdyq baǵdarlamasy aıasynda Jylyoı aýdanynda eki áleýmettik ınfraqurylym nysanyn paıdalanýǵa berdi. Maıkómgen aýylynda balabaqshanyń saltanatty ashylýy ótti. Bul nysan aýylda ashylǵan alǵashqy balabaqsha boldy.

Balabaqshanyń saltanatty ashylýyna Jylyoı aýdany ákimdiginiń ókilderi, «Teńizshevroıl» JShS (TShO) basshylyǵy, BAQ ókilderi jáne Maıkómgen aýylynyń turǵyndary qatysty.

Aýyldaǵy alǵashqy balabaqsha 100 balaǵa arnalǵan. Balabaqshanyń aýmaǵynda ár jas tobyna arnalǵan 4 toptyq alań bar. Atalmysh alańdar kóleńke shatyrlarymen jabdyqtalǵan. Jańa balabaqsha sporttyq jáne oıyn jabdyqtarymen jabdyqtalǵan, bul balalardyń demalysyn jáne sport baǵytynda damytýdy uıymdastyrýǵa múmkindik beredi. Joba boıynsha nysandy avtonomdy energııamen jáne jylýmen qamtamasyz etý qarastyrylǵan.

Jańa balabaqsha ǵımaraty qaýipsizdiktiń barlyq talaptaryna saı jáne múmkindigi shekteýli adamdardyń kedergisiz júrýine arnalǵan pandýspen jabdyqtalǵan.

Sonymen qatar, balabaqshanyń irgeles aýmaqtaryn abattandyrýǵa erekshe nazar aýdaryldy. Barlyq serýendeý aýmaqtary abattandyrylǵan. Jaıaý júrý joldary men oryndyqtar qarastyrylǵan.

Dál osy kúni Qulsary qalasynda Qursaı ózeniniń abattandyrylǵan jaǵalaýynyń tusaýkeseri ótti. Qursaı ózenin tazartý baǵdarlamasy aıasynda jaǵalaýdy abattandyrý jumystary júrgizildi. Bul baǵdarlama boıynsha Qamyskól deńgeıin ustap turýǵa, onyń shaıylmaýyna, Qursaı ózeni aǵynyn jaqsartýǵa jaǵdaı jasaldy. Qulsary qalasynyń turǵyndary úshin demalý múmkindikteri artty.

Baǵdarlamada kelesi jumystar qarastyrylǵan:

  1. Embi (Jem) ózeninen 2 km qashyqtyqta sýasty kanaly bar sý qabyldaıtyn qondyrǵy jáne Qursaı ózeniniń aǵysyndaǵy aǵý kanalyn tereńdetý qondyrǵysy
  2. Qurjem ózende uzyndyǵy 285 m bógeti bar sýdy basqarý qondyrǵysy jáne uzyndyǵy 1 km jol
  3. Kanal boıymen 2,5 km bulaqtardy tazartatyn jáne tereńdetetin Qurjem ózenindegi sý ótkizgishKóldiń arasyndaǵy kópir ótkeli.
  4. Kamyskól kóli men Demıan kóliniń arasyndaǵy kópir
  5. Qulsary qalasynyń shekarasyndaǵy uzyndyǵy 3,6 km Qursaı ózenin tazartý jáne tereńdetý

Jańa nysandardyń tusaýkeser rásiminde Jylyoı aýdanynyń ákimi Azamat Beket myrza TShO-nyń Jylyoı aýdanynyń turǵyndarynyń ál-aýqatyn jaqsartýǵa qosqan úlesin atap ótti jáne kompanııaǵa aımaqtyń barlyq turǵyndary atynan alǵysyn bildirdi. О́z kezeginde TShO-nyń úkimetpen jáne jurtshylyqpen baılanys jónindegi bas menedjeri Rzabek Artyǵalıev TShO úshin kompanııa jumys isteıtin qaýymdastyqtarǵa qarajat bólýdiń mańyzy zor ekenin atap ótti.

«Biz TShO-nyń qyzmeti el men oblysqa ekonomıkalyq paıdasyn ǵana emes, sonymen qatar ózimiz turyp jatqan jergilikti qoǵamdastyqtyń áleýmettik ál-aýqatyna oń áserin tıgizip otyrǵanyna qýanyshtymyz. Atyraý oblysynyń ákimdigimen jáne jurtshylyqpen tyǵyz yntymaqtastyǵymyz ári qaraı ónimdi túrde jalǵasady degen úmittemiz. Barlyǵymyz osyndaı óńirge qajetti áleýmettik ınfraqurylym nysandarynyń paıda bolýyna áli de birge kýá bolamyz dep senemin», – dep atap ótti Rzabek Artyǵalıev.

Jyldyq bıýdjeti 25 mln AQSh dollary bolatyn «Igilik» erikti baǵdarlamasy «Teńizshevroıl» JShS-niń Atyraý oblysyndaǵy áleýmettik ınfraqurylym jobalaryn qoldaýǵa baǵyttalǵan korporatıvtik jaýapkershiligi salasyndaǵy negizgi bastamalarynyń biri bolyp tabylady. Osy kúnge deıin atalmysh baǵdarlama aıasynda 90-nan astam joba júzege asyryldy. 1993 jyldan bastap TShO-nyń áleýmettik salaǵa qosqan jalpy úlesi 1,8 mlrd AQSh dollardan asty.

 «Teńizshevroıl» JShS – shıki munaı, suıyq jáne qurǵaq gaz, sonymen birge kúkirt óndirýmen jáne ótkizýmen aınalysatyn qazaqstandyq kompanııa. Jumystardyń barlyǵy qaýipsizdik tehnıkasy men qorshaǵan ortany qorǵaý boıynsha halyqaralyq talaptarǵa saı júrgizilýde. «Teńizshevroıl» JShS 1993 jyly Qazaqstan Respýblıkasy men «Shevron» kompanııasy arasyndaǵy kelisim negizinde quryldy. «Teńizshevroıl» JShS-niń qazirgi kezdegi seriktesteri: «Shevron» korporasııasy – 50%, «QazMunaıGaz» UK» AQ – 20%, «EksonMobıl Kazahstan Venchýrs Ink.» – 25% jáne «LýkArko» – 5%.

Keleshek keńeıý jobasy (KKJ) men Uńǵyma erneýindegi qysymdy basqarý jobasy (UEQBJ) – «Teńizshevroıl» JShS bir mezgilde júzege asyratyn biriktirilgen eki joba. KKJ-UEQBJ Teńiz ken ornyndaǵy munaı óndirý kólemin jylyna shamamen 12 mln tonnaǵa nemese táýligine 260 myń barrelge arttyrýǵa múmkindik beredi jáne osynyń nátıjesinde óndiris kólemi jylyna shamamen 39 mln tonnany nemese táýligine 850 myń barreldi quraıdy. KKJ óndiris qýattylyǵyn arttyrýǵa baǵyttalsa, UEQBJ uńǵyma erneýindegi qysymdy azaıtý jáne qoldanystaǵy alty keshendi tehnologııalyq jelidegi qysymdy arttyrý arqyly Teńizdegi aǵymdaǵy zaýyttardyń tolyqqandy jumysyn qamtamasyz etedi.

 

Túrkitildes jýrnalıster qory

Ilmek sózder: Tengız Qazaqstan

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir