Jańa keshen jol-kólik oqıǵalaryn azaıtady

Jol-kólik oqıǵalarynyń aldyn alý maqsatynda Jambyl oblysynda «Arqan» avtomattandyrylǵan mobıldik kesheni qoldanysqa engizildi. Elimizde tuńǵysh ret iske qosylyp otyrǵan keshenniń quny 160 mıllıon teńgeni quraıdy. Bul qarjyǵa 10 jol-patrýldik polısııasy avtokólikterine atalǵan keshen ornatylǵan. Bul kólikter aldaǵy ýaqytta respýblıkalyq mańyzy bar avtojoldardyń boıynda júrip, quqyq buzýshylardy anyqtamaq.

Mobıldi keshenniń jol qozǵalysy erejelerin baqylaýda múmkindigi mol. Máselen, júrip ótken kólik quraldary týraly barlyq aqparat polısııa departamentiniń serverinde avtomatty túrde saqtalatyn bolady. Sondaı-aq nómir, markasy, modeli nemese túsi boıynsha kólik quraldaryn izdeýge suraý salýdy júzege asyryp, júrgizýshiniń jyldamdyqty asyrý deregi avtomatty tirkeledi. Budan ózge buryn jasalǵan ákimshilik quqyq buzýshylyq úshin boryshkerler tiziminde bolýy avtomatty túrde tekseriledi. Sonymen qatar aıyppul týraly derekter men beıneaqparattar derekterdi óńdeý ortalyǵyna jáne Bas prokýratýranyń biryńǵaı tizilimine polısııa qyzmetkeriniń qatysýynsyz avtomatty rejımde jiberiledi. Bul óz kezeginde sybaılas jemqorlyqty azaıtýǵa múmkindik beredi eken.

– О́zderińiz biletindeı, bizdiń mindetimiz qoǵamdyq tártipti saqtaý ǵana emes, sonymen qatar jol qozǵalysyn uıymdastyrý. Búgingi kúni bizdiń aldymyzda eń mańyzdy eki másele tur. Onyń biri kámeletke tolmaǵandarǵa qatysty qylmys bolsa, ekinshisi jol-kólik oqıǵalary. Sebebi, bıylǵy jyly jol-kólik apattarynda qaza bolǵandar sany artyp otyr. Júrgizilgen taldaýǵa sáıkes árbir úshinshi jol apaty júrgizýshilerdiń jyldamdyqty arttyrý sebebinen oryn alǵan. Osyǵan oraı, biz oblys ákimine joldaǵy apattylyq deńgeıin tómendetý maqsatynda avtomattandyrylǵan mobıldi keshendi ornatý úshin qarajat bólý týraly usynyspen shyqqan bolatynbyz. Nátıjesinde atalǵan usynys qoldaý taýyp, mobıldi keshen búgingi kúnge respýblıkalyq mańyzy bar avtojoldardyń batystan shyǵysqa 500 shaqyrym, ońtústikten soltústikke 400 shaqyrymda qyzmet kórsetetin 10 patrýldik avtokólikke ornatyldy, – deıdi oblystyq polısııa departamentiniń bastyǵy, polısııa polkovnıgi Arman Orazalıev.

Arman Moldııarulynyń sózine sensek, mobıldi keshenniń bizdiń óńirde engizilýi beker emes eken. Sebebi, aımaqta jol kólik apattarynan adam qaıtys bolǵandardyń sany bıyl 28 paıyzǵa artyp ketipti. Onyń ishinde árbir 3-shi apattyń oryn alýyna kólik júrgizýshileriniń jyldamdyqty shamadan tys arttyrýy sebep bolǵan. Degenmen ótken jylmen salystyrǵanda avtokólik apattary azaıǵan. Iаǵnı, ótken jyldyń dál osy kezeńinde 1666 oqıǵa tirkelip, 132 adam ajal qushqan. Al bıyl 1161 oqıǵa oryn alyp, 169 azamat ómirmen qosh aıtysypty.