Erlan Turǵymbaev "Keksel isiniń" toqtatylǵanyn rastady

Qazaqstannyń ishki ister mınıstri Erlan Turǵymbaev arnaıy prokýrorlar qyzmetiniń burynǵy jetekshisi Olesıa Kekselge baılanysty istiń toqtaǵanyn rastady dep jazady Qamshy.kz aqparat agenttigi. 

"Qylmys quramy joq bolǵandyqtan Kekselge baılanysty sotqa deıingi tergeý amaldary toqtady. Barlyq tergeý amaldary júrgizildi jáne qazir zańdylyǵyn tekserý úshin barlyq materıaldar prokýratýraǵa jiberildi" dedi 13 jeltoqsanda jýrnalısterdiń suraqtaryna jaýap bergen Erlan Turǵymbaev.

Olesıa Keksel burynǵy premer-mınıstr Serik Ahmetov, burynǵy ulttyq ekonomıka mınıstri Qýandyq Bıshimbaev, burynǵy densaýlyq saqtaý mınıstri Jaqsylyq Dosqalıevtiń isi sııaqty Qazaqstandaǵy iri daýly ister boıynsha tergeý tobyna jetekshilik etken. Ol mamyr aıynda arnaıy prokýrorlar qyzmetiniń jetekshisi qyzmetinen bosatylǵan.