• USD 424.85

  • EUR 504.21

  • RUB 5.84

  • CNY 65.86

19 Qazan, 17:26:51
Almaty
+15°

Kúni keshe 63-ke tolǵan Imanǵalı Tasmaǵambetov zeınet demalysyna ketedi-mys degen áńgime áleýmettik jelide jeldeı esýde. Kezinde is júzinde Imanǵalı Tasmaǵambetov Reseıge elshi bolyp taǵaıyndalǵan sát onyń saıası sahnadan ketýiniń basy deýshiler az bolmady. Bılik Ermuhamet Ertisbaev ssenarııin Imanǵalı Nurǵalıulyna qatysty qoldana ma?

Ertisbaev ssenarııi kóptiń esinde. Uzaq jyldar prezıdenttiń saıası máseleler jónindegi keńesshisi de, mınıstr de, saıası sarapshy da bolǵan onyń dáýirlep turǵan kezeńine 2013 jyly núkte qoıyldy. Elden elshi bolyp ketken ol otanyna zeınettik demalysqa shyǵyp bir-aq oraldy.

Nazarbaevtyń senimdi serigi bolǵan Marat Tajın de úlken oıynnan osy jolmen shyǵarylatynǵa uqsaıdy. Búginde ol – qart qurlyqta. Zeınettik demalysqa deıingi 4 jylyn Chehııadaǵy tótenshe jáne ókiletti elshi qyzmetinde ótkizetin sekildi.

Al Tasmaǵambetovtyń aldaǵy taǵdyry bólek áńgimeniń taqyryby retinde qarala ma? Olaı isteýge tolyqtaı negiz bar.

О́ıtkeni Tasmaǵambetov táýelsizdik tarıhyndaǵy iri saıasatker. Oǵan degen eldiń yqylasy da erekshe. Áli de bolsa, ony úlken saıasattan kórgisi keletinder kóp.

Saıasattanýshy Erbol Edilovtyń óziniń derekkózderine súıenip aıtýynsha, Tasmaǵambetov ornynan bosatýyn kútpesten ózi bastama kóterip, qyzmetten ózi ketedi. Zań sheńberinde. Usynylýy bek múmkin senattaǵy qyzmetten de bas tartady.

Osylaısha, saıası mansabyna ádemi núkte qoımaq. Tipti ol týraly "ótinish te bildirgen" degendi aıtady saıasattanýshy.

Qamshyger

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir