Sybaılas jemqorlyqqa qarsy qyzmettiń respýblıkalyq shtaby ashyldy

Shtabtyń maqsaty – halyqpen syndarly dıalog qurý, keń aqparat taratý arqyly adaldyq qaǵıdattaryn damytý. Bul týraly ákimdiktiń baspasóz qyzmeti habarlady.

Shtab turǵyndardyń ártúrli toptary úshin túrli tásilderdi qoldana otyryp, aqparattyq-nasıhattaý jınalystaryn ótkizedi. Shtab ókilderi – rejısser Ermek Tursynov, qoǵam qaıratkeri Yrza Tursynzada jáne Sybaılas jemqorlyqqa qarsy qyzmettiń ókili Arman Berdalın qalanyń birqatar joǵary oqý oryndarynda bolyp, Almaty qalasy ákimdigi men polısııa departamentiniń qyzmetkerlerimen kezdesti. Sonymen qatar shtab ókilderi aımaqtyq aqparattyq shtab múshelerimen júzdesti.

– Júrgizilip jatqan aqparattyq-túsindirý jumystary halyqtyń quqyqtyq saýattylyǵyn arttyrýǵa jáne sybaılas jemqorlyqqa oryn joq memleket qurýdaǵy azamattyq qoǵamnyń kúsh-jigerin shoǵyrlandyrýǵa múmkindik beredi, – dedi kezdesý barysynda shtab jetekshisi Yrza Tursynzada.