• USD 389.52
  • EUR 429.21
  • RUB 6.07
  • CNY 54.94
07 Jeltoqsan, 18:47:04
Qazaqstan Ýkraınanyń saýda naryǵyna alańdaýly

27 Qarasha, 2019 NEWS

Almatynyń damý strategııasyn jasaý barysynda álemdik megapolısterdiń túrli tájirıbeleri qarastyryldy

Bul týraly Almaty Investment Forum 2019 barysynda qala ákimi Baqytjan Saǵyntaev aıtty.

– Nelikten álemdegi keıbir qalalar qaryshtap alǵa jyljyp, tabysqa jetedi de, al endigi bireýleri, kerisinshe, kedeılenedi? Meni San-Fransısko, Kalıfornııa mysaldary qyzyqtyrdy. Halqynyń jan basyna shaqqandaǵy San-Fransısko tabysy – eń kedeı amerıkandyq qalalyq aımaqqa qaraǵanda úsh ese joǵary. San-Fransısko tabysynyń syry nede? Munyń syry kelesi úsh túrli sebepke baılanysty. О́mir súrýge qolaıly tamasha klımat jaǵdaılary – AQSh-tyń qolaıly kún beldeýi, damyǵan ınfraqurylym jáne AQSh-taǵy eń úzdik bıznes-klımat. Sondaı-aq, úshinshi jáne bastysy dep esepteımin. Negizgi draıverleri jańa ındýstrııalar sanalatyn qalalyq ekonomıkanyń aldyńǵy qatarly qurylymy. San-Fransısko sııaqty qalalardyń joly bizge óte qyzyqty. Qalalyq ekonomıkanyń qurylymdyq manevriniń ıdeıasy osydan shyǵady, –  dedi B.Saǵyntaev.

Onyń sózinshe, bundaı alǵysharttar Almatyda da bar.

– Jalpy, Almaty da «kún beldeýinde» tur. Men tek klımatty ǵana aıtyp turǵanym joq. Birinshiden, Almaty ınvestklımat boıynsha jetekshi orynǵa ıe. О́zderińiz bilesizder, Dúnıejúzilik banktiń ultishilik reıtıngisinde Almaty bıznesti júrgizý jeńildigi boıynsha Qazaqstannyń barlyq óńirleri arasynda birinshi orynda tur. Taǵy bir aıryqsha oqıǵa – osy jyldyń qyrkúıeginde Fitch agenttigi bizdiń qalaǵa VVV nesıelik reıtıngin – Qazaqstannyń derbes reıtıng deńgeıin berdi, bul ınvestısııa úshin táýekeldiń tómengi deńgeıin bildiredi. Is júzinde, Qazaqstandaǵy eń úzdik bıznes-klımat – Almatyda. Sonymen qatar, Ortalyq Azııadaǵy ózge birde-bir megapolıs mundaı halyqaralyq nesıelik reıtıngke ıe emes. Ekinshiden, Almaty – Qazaqstannyń iri ekonomıkalyq aımaǵy. Qala ekonomıkasynyń kólemi – 12,1 trln.teńgeni nemese 35 mlrd.dollardy quraıdy. Bul – jalpy ishki ónimniń besinshi jáne salyqtardyń tórtten bir bóligi. Almaty – jalpy óńirlik ónimi jan basyna shaqqanda 19 myń dollarǵa jýyqtaıtyn, Ortalyq Azııadaǵy eń tabysty megapolıs. Úshinshiden, ómir súrý men bıznestiń qolaıly jaǵdaılarynyń arqasynda Almaty – adam kapıtalynyń konsentratory. Bizdiń qalada eldegi jáne óńirdegi eń kreatıvti, eń batyl ári bilimdi adamdar shoǵyrlanǵan. Qala ákimi retinde, kreatıvti adamı kapıtal Almatynyń basty básekelestik artyqshylyǵy dep sanaımyn. Bul qaǵıdatty men qalalyq damýdyń barlyq josparlaryna engizemin.  Tórtinshiden, biz qalalyq ınfraqurylymdy aýqymdy jańǵyrtýdy bastaımyz. Megapolıste ómir súrý sapasy men jaılylyqty arttyrý úshin biz qysqa merzimdi jáne orta merzimdi damý josparlarynyń arnaıy paketin qabyldadyq. Olar birinshi kezekte «jańa Almatyǵa» – ıaǵnı megapolıstiń shetki aýdandaryna, sondaı-aq Almaty aglomerasııasyna qatysty. Eki jospar da qalanyń kezek kúttirmeıtin máselelerin jyldam sheshýge baǵyttalǵan: sýmen jabdyqtaý, jaryqtandyrý, abattandyrý jáne qaýipsizdik. Almatynyń ulǵaıýy kóp ortalyqty bolady jáne qalanyń ár túrli bólikterindegi birneshe aımaqtarda shoǵyrlanady, –  dep atap ótti ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir