Jetisaıdaǵy 4 mektepke qazaqtyń uly tulǵalarynyń esimi berildi

Qazaqstan Respýblıkasy Úkimetiniń janyndaǵy respýblıkalyq onomastıka komıssııasynyń uıǵarymy boıynsha Túrkistan oblysynyń Jetisaı  aýdanyndaǵy tórt bilim ordasyna qazaqtyń uly tulǵalarynyń esimi berildi. Sonymen..

Qazaqstan Respýblıkasy Úkimetiniń janyndaǵy respýblıkalyq onomastıka komıssııasy
15.11.2019 jyly Túrkistan oblysy, Jetisaı aýdany boıynsha sheshimder qabyldady:
1.Jetisaı aýdany bilim bóliminiń «№8 jalpy orta mektebi» kommýnaldyq memlekettik mekemesine – Alpamys batyr esimin berý;
2.Jetisaı aýdany bilim bóliminiń «№28 jalpy orta mektebi» kommýnaldyq memlekettik mekemesine – Hıýaz Dospanova esimin berý;
3. Jetisaı aýdany bilim bóliminiń «G.Tıtov atyndaǵy №54 jalpy orta mektebi» kommýnaldyq memlekettik mekemesin – Ilııas Esenberlın esimine ózgertý;
4.Jetisaı aýdany bilim bóliminiń «A.Chehov atyndaǵy №62 jalpy orta mektebi» kommýnaldyq memlekettik mekemesin – Kenesary han esimine ózgertý;

Erekshe atap óter jaıt, Jetisaı aýdanyna esimi belgili kásipker, mesenat Baýyrjan Ońǵarbaev №8 bilim ordasyna Alpamys batyrdyń esimin berýge baılanysty kóp eńbek sińirdi. Ozat oqýshylarǵa Alpamys batyr atyndaǵy stıpendııa taǵaıyndady. Mektepti gúldendirýge, kórkeıtýge atsalysty. Elbasynyń jarlyǵymen «Eren eńbegi úshin» medalin alǵan Baýyrjan Ońǵarbaev qazir de aýdan kóleminde kóp iske uıytqy bolyp júr. Alash ardaqtysy Sultanbek Qojanovtyń esimin máńgilikke qaldyrý maqsatynda ol ult úshin úlken jumystar tyndyrdy.

Endi mine eki jyldan astam ýaqyttan keıin  №8 mektepke Alpamys batyrdyń esimi berildi. «Alpamys batyr» atyndaǵy respýblıkalyq qordyń tóraǵasy retinde  ol  áli de talaı ult úshin jasalatyn uly isterdiń basy-qasynda júretinine bizdiń senimimiz mol.