Qoǵamdyq kólik jańa avtobýstarmen tolyǵady

Almaty qalasy Alataý aýdanynda 131 aýla aýmaǵy bar. Olardyń 125-inde kóshe jaryǵy máselesi sheshildi, 53 aýla tolyq abattandyryldy. «Aqbulaq», «Darhan», «О́jet», «13-14 aýmaqtar», «Zerdeli», «Samǵaý», «Áıgerim» jáne «Alǵabas» yqshamaýdandaryn sý basyp qalý problemasyn sheshý úshin uzyndyǵy 6 km bolatyn aryq jelisin salýǵa qarjy bólindi. Bul týraly qala ákiminiń aýdan turǵyndarymen kezdesýinde belgili body.

«Darhan», «Shapaǵat», «Áıgerim-2», «Tomırıs», «О́jet», «Shańyraq-1» yqshamaýdandarynda kóshe jaryǵynyń 767 baǵanasy ornatyldy.

«Nurkent», «Saıaly», «Shapaǵat», «Zerdeli» yqshamaýdandarynda 10 myńnan astam aǵash otyrǵyzyldy. Úsh jyldyq Jasyl Almaty jobasy aıasynda aýdan aýmaǵynda 135 myń aǵash otyrǵyzylatyn bolady.

Aýdanda uzyndyǵy 120 km bolatyn jáne 12 yqshamaýdandy («Aqbulaq», «Qarasý», «Kók-Qaınar», «Uljan-2», «Alǵabas-AZTM», «Tomırıs», «Uljan-1», «Shańyraq-2», «Darhan-Baıbesik», «Áıgerim-1», «Áıgerim-2», «Saıaly-2») qamtıtyn jańa jol salynýda.

Bıylǵy jyly «Shańyraq-2», «Uljan-1», «Kókqaınar», «Áıgerim», «Qarasý», «Darhan» yqshamaýdandaryndaǵy uzyndyǵy 23 kılometrden asatyn 24 kóshege ortasha jóndeý jumystary júrgizildi.

Qazirgi kezde aýdanda 641 avtobýs qyzmet kórsetetin 45 baǵyt bar. Turǵyndardyń ótinishi boıynsha 2019 jyldyń sońyna deıin qoǵamdyq kóliktiń qalalyq parkin 200 avtobýs birligimen tolyqtyrý josparlanǵan. Osynyń esebinen jańa baǵyttar ashylady jáne burynnan bar baǵyttarda avtobýs sany artatyn bolady. №69 jáne №102 baǵyttar uzarady, №10 baǵyttaǵy avtobýstar jańarady.