• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:56:42
Qazaqstan Ýkraınanyń saýda naryǵyna alańdaýly

22 Qarasha, 2019 NEWS

Dáriger saý kelinshekti múgedek etti (vıdeo)

Túrkistan oblysynda turǵynnyń aryzynan keıin aýdandyq aýrýhana dárigerlerine qatysty qylmystyq is qozǵaldy – dep Qamshy.kz aqparat agenttigi habarlaıdy,  ktk telearnasyna silteme jasap.

27 jastaǵy Dana úshinshi balaǵa aıaǵy aýyr ekenin bilgende túsik jasatpaq bolǵan. О́ıtkeni, eki balasyn kesar tiligin jasatý arqyly bosanǵan. Al úshinshisin dúnıege ákelý densaýlyǵyna qaýipti bolǵan. 

Gınekolog oǵan túsik tastaıtyn dárini 8 myń teńgege satyp, eki kún ótken soń qaıta kelý kerek ekenin aıtqan. Kelinshektiń aıtýynsha, qolyndaǵy eki balamen barǵanda, dáriger eskertpesten abort jasaǵan.

"Qatty aýyrdy, men jyladym. Sonda da "shyda" dep, 15 mınýttaı tazalady. Sanıtarkalar men qımyldamasyn dep ustap turdy. Balalarym jylap qasymda boldy", – deıdi Dana Qurshanbekova.

Jatyry men ishegin jyrtqan soń da dáriger áıeldi úıine qaıtaryp jibergen.

Dananyń ishi shydatpaı aýyryp, 3 kúnde 3 ret jedel járdemmen aýrýhanaǵa barǵan. Keıin 8 saǵat boıy ota jasap, jatyryn alyp tastady.

Qazir áıeldiń ishegi syrtynda júr. Tútiksheler ornatylǵan. Dananyń aıtýynsha, dárigerler densaýlyǵyn ǵana emes, tekserýshilerge kórsetetin málimetterdi de búldirgen.

"Jalǵan málimet jazyp qoıǵan. Júkti bolǵanymdy, túsik jasaǵanyn jazbaǵan. Mende ony dáleldeıtin ÝZI qaǵaz bar", – deıdi kelinshek.

Atalmysh oqıǵadan keıin dáriger óz erkimen jumystan shyǵyp ketken. Dananyń týystary tórt jarym aı buryn quzyrly organdarǵa aryz bergen.

"Is qylmystyq kodekstiń 317-baby (medısına jáne farmasevtıka jumyskeriniń tártiptik mindetin tıisti oryndamaý) boıynsha tekserilip, qylmystyq is qozǵalǵan. Qazir qylmystyq is boıynsha saraptama taǵaıyndaldy", – dedi Túrkistan oblysy polısııa departamentiniń baspasóz hatshysy Saltanat Qarakózova.

Oblystyq densaýlyq saqtaý basqarmasy tekserý júrgizip, Asyq ata aýrýhanasynyń birqatar qyzmetkeri sógis alǵan.

 

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir