Áleýmettik mańyzy bar jobany júzege asyrý týraly usynysty qoldaımyz – B.Saǵyntaev

Almaty qalasynyń ákimi Baqytjan Saǵyntaev Nur Otan partııasynyń qoǵamdyq qabyldaýynda turǵyndarmen kezdesti. Bul týraly qala ákimi óziniń facebook-tegi paraqshasynda jazdy.

Onyń aıtýynsha, qabyldaýǵa kelgen turǵyndar tek úı, jer, kommýnaldyq problemalaryn sheshý úshin ǵana kelmeıdi. Kóptegen jandar munda jaqsy ıdeıalarymen de keledi.

"Búgingi qabyldaýǵa kelgenderdiń arasynda múmkindigi shekteýli jandardyń máselelerimen aınalysatyn Arnur Ysqaqov pen Nurgúl Seıitbekova boldy. Olardyń «Belsendi ómir» forýmyn ótkizý jáne yńǵaıly kıimder tigý jónindegi áleýmettik mańyzy bar jobany júzege asyrý týraly usynysyn qoldaımyz.

Qoljetimdi ortany qamatamasyz etý – Nur Otan partııasy qalalyq fılıalynyń baqylaýynda turǵan mańyzdy máselelerdiń biri. Apparattyq jıynda «Kedergisiz keleshek» partııalyq joba týraly aqparatty tyńdadyq. Múmkindigi shekteýli jandarǵa qoljetimdi ortany qalyptastyratyn ári memlekettik qyzmetti kórsetetin 20 uıymnyń jumystarynda kemshilikter bar, – dep málimdedi qalabasshysy. 

Onyń sózinshe, partııanyń qalalyq fılıalynyń kelesi otyrysynda atalǵan obektiler basshylary kórsetilgen problemalardyń qalaı sheshilip jatqanyn baıandaıtyn bolady.