19 Qarasha, 2019 Aımaqtar

Indýstrııalandyrý kartasynyń ıgiligi mol

Memleket basshysy Qasym-Jomart Toqaev «Syndarly-qoǵamdyq dıalog – Qazaqstannyń turaqtylyǵy men órkendeýiniń kepili» atty halyqqa arnaǵan Joldaýynda «Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Atap aıtqanda, eń aldymen aýyl turǵyndaryna turaqty jumys beredi, jumyssyzdyqty azaıtady. Sonymen qatar salyq bazasyn qurap, jergilikti bıýdjetti nyǵaıtady. Sondaı-aq jappaı kásipkerlikti damytý sanaǵa sińgen paternalıstik pıǵyl men masyldyqtan arylýǵa múmkindik beredi. Elimizde kásipkerlikti damytýdyń úlgi bolarlyq mysaldary jetkilikti. Biz shaǵyn kásipkerlikti búkil qoǵam bolyp qoldaýymyz kerek»,– dep atap kórsetken bolatyn.

Jambyl oblysy ákimdiginiń kásipkerlik jáne ındýstrıaldy – ınnovasııalyq damytý basqarmasy aımaqtaǵy kásipkerlik, ónerkásip, saýda jáne ındýstrıaldy damytý salalary boıynsha birneshe baǵyttarda jumystar júrgizýde.

-Indýstrııalandyrý kartasy jáne ındýstrıaldy – ınnovasııalyq damý baǵdarlamasy aıasynda iske qosylýǵa josparlanǵan jobalarǵa monıtorıng júrgizý, Memlekettik baǵdarlamalardyń sharttaryn kásipkerlerge túsindirý, sondaı-aq, jumys istep turǵan saýda nysandarynyń syrtqy kelbetiniń retke keltirýin talap etý mekemeniń negizgi atqaratyn jumysy bolyp tabylady.

Osyǵan oraı, basqarma tarapynan ındýstrııalandyrý kartasy aıasynda birqatar jobalar júzege asyrylyp jatyr.

Qazaqstan Respýblıkasynyń ındýstrııaldy-ınnovasııalyq damýynyń 2015-2019 jyldarǵa arnalǵan Memlekettik baǵdarlamasy aıasynda, ekinshi besjyldyqta Jambyl oblysynda Kásipkerlik qoldaý kartasy boıynsha, jalpy quny 55,5 mlrd. teńgeni quraıtyn 33 ınvestısııalyq joba júzege asyrylyp, 2330 jańa jumys oryndary ashylýda,-deıdi basqarma basshysy Jeńis Sarıev.

Mysaly, 2015 jyly jalpy quny 7 mlrd. tengeni quraıtyn 4 ınvestısııalyq joba iske asyrylyp, 371 jańa jumys oryndary ashyldy. Al 2016 jyly jalpy quny 18,7 mlrd.teńgeni quraıtyn 8 ınvestısııalyq joba iske asyrylyp, 344 jańa jumys oryndary ashylypty.

Sonymen qatar 2017 jyly jalpy quny 11,7 mlrd. teńgeni quraıtyn 9 ınvestısııalyq joba iske asyryldy jáne 646 jańa jumys oryndary ashylǵan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir