Eńbek ardageriniń qurmetine arnalǵan týrnır ótti

Jýaly aýdanyndaǵy Qarabastaý aýylynda sambo kúresinen sport sheberi, uzaq jyldar boıy aýyl jastary arasynda sporttyń kóptegen túrin nasıhattap, úıirmeler asha otyryp, aýdan, oblys, respýblıka kóleminde chempıondar daıyndap, búginde jerlesteriniń júreginde máńgilikke saqtalǵan Bekberdi Erkebaıuly Qashkeevti eske alyp, onyń esiminiń qurmetine dzıýdo kúresinen 2003-2004 jyly týǵan jasóspirimder arasynda oblystyq týrnır ótkizildi.

Jıynnyń alǵashqy quttyqtaý sóz aýdan ákimi Narbaı Ergebekovke berildi. О́z sózinde Narbaı Ábilqasymuly aýdannyń sport salasyndaǵy jetistikteri men aýdannan shyqqan chempıondardyń esimderin de atap ketti.

Sonan soń aýyldyq Mádenıet úıinde dzıýdo kúresinen jarys ótti. Saıysqa Taraz qalasynan, Jambyl, Sarysý, Baızaq,Talas, Jýaly aýdandarynyń sportshylary qatysty.

Jarys dzıýdonyń jeti salmaq túrinen ótti. Týrnırge qatysýshylar 2003-2004 jyly týylǵan 46, 50, 55, 60, 66, 73 jáne 81 kılogramm salmaq dárejedegi 30-ǵa jýyq sportshylar arasynda qyzyqty ári tartymdy oıyn bolyp ótti. Jarystyń tóreshileriniń sheshimimen jalpy qatysqan uldardyń jeńisiniń qorytyndysy boıynsha Tarazdan kelgen sportshylary ártúrli oryndardan jeńimpaz atanyp, 11 medaldy ıelendi, Jambyl aýdany-2, Baızaq-2 medal, Sarysý-1, Talas-1, Jýaly-3 jáne Qarabastaý aýylynyń sportshylary 6 medaldy jeńip aldy. Qarabastaý aýylynyń namysyn qorǵaǵandar qatarynda Dáýren Áýelbek, Asqar Nur, Meıirhan Nurjaý, Sársembaı Bek, Damır Manatuly jáne Arman Áýelbek joǵary deńgeıde oıyn kórsetti. Jeńimpazdar medal, dıplom jáne Bekberdi Qashkeevtyń týysqandarynyń daıyndaǵan baǵaly syılyqtarymen marapattaldy.

Jarys arasynda kórermenderdiń aldynda arnaıy Almatydan kelgen karate, dzıýdo, sambo kúresteri túrlerinen sportshylar ártúrli dárejedegi chempıondar óner kórsetti.

Sportshy erlerden keıin sahna tórine áıelder shyǵyp, kúresti. «Áıelder kúresinde» birinshi oryndy Bılikól dárigerlik ambýlatorııasynyń qyzmetkeri Elmıra Iýsýpova jeńip alsa, ekinshi oryndy Q. Qoshmambetov atyndaǵy orta mekteptiń muǵalimi Nursulý Saýdabaeva, al úshinshi oryndy Bılikól aýyldyq okrýginiń qyzmetkeri Nursulý Muhamedıarova ıelendi. Jeńimpazdarǵa arnaıy dıplomdar men Ǵabıt Mırazovtyń demeýshiligimen aqshalaı syı-sııapattar jasalyp, marapattaldy.

Týrnır sońynda B.Qashkeevtiń rýhyna Quran baǵyshtalyp, qudaıy tamaq taratyldy.