Partııalyq joba densaýlyq saqtaý nysandarynyń qurylysyn jandandyrdy  

Jambyl oblysynda Qazaqstan Respýblıkasynyń Tuńǵysh Prezıdenti–Elbasynyń bastamasymen júzege asyrylyp jatqan «Aýyl-El besigi!» jobasy aıasynda birqatar densaýlyq saqtaý nysandarynyń qurylysyn júrgizý, kúrdeli jáne aǵymdaǵy jóndeý jumystary qolǵa alynyp otyr. Bul turǵyndarǵa kórsetiletin medısınalyq qyzmettiń sapaly etýdiń alǵysharty sanalady, dep jazady Qamshy.kz aqparat agenttigi. 

Partııalyq jobanyń aıasynda Baızaq aýdandyq ortalyq aýrýhanasynda kúrdeli jóndeý, aǵymdaǵy jóndeý jumystary júrgizildi. Sondaı-aq Shý aýdany Tólebı aýylyndaǵy aýdandyq aýrýhanaǵa japsarlas emhana ǵımaratynyń qurylys jumystary qolǵa alyndy. Baızaq aýdanynda respýblıkalyq bıýdjet esebinen quny 2 mıllıard teńge bolatyn 250 kelýshige arnalǵan emhana qurylysy da pılottyq joba jol kartasyna engizildi. Pılottyq joba qoldaý tabatyn bolsa Baızaq aýdandyq emhanasynyń qurylysy 2020-2021jyldar aralyǵyn júrgiziledi dep josparlanyp otyr. Sol sekildi Qordaı aýdanynda da respýblıkalyq bıýdjetten qarjylandyrylatyn quny 2 mıllıard 100 mıllıon teńge bolatyn 250 kelýshige arnalǵan emhananyń jobalyq smetalyq qujattama memlekettik saraptamadan ótip jatyr. Sonymen qatar Qordaı aýdanynda 270 oryndyq aýrýhana qurylysynyń jobalyq smetalyq qujattaryn ázirleýge qarajat qarastyryldy.

Jalpy ótken jyldyń basynda oblystaǵy eldi mekenderdiń alǵashqy medısınalyq qyzmetke suranysy 95 nysandy quraǵan edi. Byltyr bul jumystarǵa memlekettik-jekemenshik áriptestikti tartý nátıjesinde 39 nysannyń máselesi túbegeıli sheshildi. Mundaǵy jumystarǵa1 mıllıard 300 mıllıon teńge qarjy bólinip, maqsatty ıgerildi. Bıýdjet qarajaty esebinen 9 nysannyń qurylysy júrgizilip, paıdalanýǵa berildi.

Aǵymdaǵy eldi mekenderdiń 65 medısınalyq mekemege suranysy qanaǵattandyrylyp, jalpy oblys turǵyndarynyń alǵashqy medısınalyq qyzmet kórsetý oryndaryn qajettiligi 100 paıyzǵa oryndalady. Osy jumystar nátıjesinde oblystyń shalǵaı eldimekenderinde birqatar jańa medısınalyq mekemeler iske qosylyp, aýyl turǵyndaryna sapaly medısınalyq qyzmet qoljetimdi bola tústi. Aldaǵy ýaqytta bul jumystar aýdandyq emhanalar men aýrýhanalardyń aýqymyn keńeıtý baǵytynda jalǵasyn tappaq.