Aqynnyń keshi ótti

Aqtaýda "Aı syrǵaly aq shaǵyl" ataýymen mańǵystaýlyq aqyn Nurgúl Maýlınanyń shyǵarmashylyq keshi ótti.  Sharada aqynnyń 30-ǵa jýyq óleńi oqylyp, onyń sózine jazylǵan ánder shyrqaldy. 

Kóńildiń názik qylyn sherter sezimge toly poezııa, aqynnyń muńy men sheri, ókinishi men qýanyshyn sıpattaıtyn júrekjardy jyrlary, sharanyń shymyldyǵyn kesh ıesiniń ózi ashty. Keshtiń ereksheligi de sol, óleń de án de jandy daýysta oryndaldy.

-Bul keshti ótken jyldyń sáýirinde josparlaǵanbyz. Sonda Mańǵystaýǵa kelip, ótkizsem degen armanym boldy. Búgin sol keshim ótip, kóńilim birlenip tur. Qashan kelesiz degen oqyrmandarymdy kezdestirdim, deıdi aqyn Nurgúl Maýlına.

Keshke óner ıesin quttyqtap, alys-jaqynnan  aqyndar keldi.  Olar jyly lebizi men izgi tilekterin bildirdi. Aı syrǵaly aqyn poezııa súıer qaýymnyń súıispenshiligine bólendi. Kórermenniń iltıpaty men qoshemeti zor boldy. 

Aıta keteıik, bul aqynnyń  2-shi shyǵarmashylyq keshi. Osyǵan deıin  Almaty qalasynda uıymdastyrylǵan.