Shymkentte qaıǵyly oqıǵa oryn aldy

Shymkenttegi qurylys alańynda 3 tehnıkany topyraq basyp qalyp, 2 jumysshy qaza tapty. Qaıǵyly oqıǵa keshe túnde saǵat 21.15-te Nursát móltek aýdanynda oryn alǵan, – dep Qamshy.kz aqparat agenttigi habarlaıdy.

Qalalyq TJD baspasóz qyzmetiniń málimdeýinshe, toǵyz qabatty úıge 25 metrlik tereńdikte shuńqyr qazý kezinde qabyrǵasy qulap ketken.

Oqıǵa saldarynan shuńqyrdy qazyp, tegistep jatqan úsh tehnıka (1 júk tıegish, 1 kran jáne 1 jol tegisteıtin katok) júrgizýshilerimen birge úıindiniń astynda qalǵan. Qutqarý jumystaryna TJD (40 qyzmetker, 11 tehnıka), jergilikti atqarýshy organ (10 jumysshy, 2 tehnıka), PD (15 qyzmetker, 2 tehnıka), "IýgStroıServıs-N" JShS (35 jumysshy, 2 tehnıka), "103" qyzmeti (4 qyzmetker, 2 tehnıka) jumyldyryldy.

Qutqarýshylar bir tehnıkany shyǵaryp, onyń júrgizýshisi aman qaldy.