Jańatasta turǵyn úılerge jóndeý jumystary qarqyndy júrgizilip jatyr

Aǵymdaǵy jyldyń 9 aıynda Sarysý aýdanynda jalpy kólemi 8 223 sharshy metr bolatyn 47 jeke turǵyn úı paıdalanýǵa berildi. Aýdanda jyl sońyna deıin kólemi 5,5 myń sharshy metr bolatyn turǵyn úıler qoldanysqa beriletin bolady, dep jazady Qamshy.kz aqparat agenttigi. 

Jalpy jyl basynan bergi 9 aıdyń ishinde aýdanda jalpy somasy 7 mıllıard 700 mıllıon teńge bolatyn qurylys jumystary júrgizildi. Bul 2018 jyldyń esepti kezeńimen salystyrǵanda 2 mıllıard 100 mıllıon teńgege artyq. Aýdanda qarqyn alǵan qurylys jumystarynyń nátıjesinde sarysýlyqtardyń baspanaǵa suranysy tolyq ótelmek. Munan bólek óńir turǵyndarynyń áleýmettik mańyzǵa ıe nysandarmen qamtylýy da basty nazarda.

Atap óte keterlik bir jaıt aýdandaǵy qurylys jumystarynyń negizi úlesi turǵyn úılerdi qaıta jańǵyrtý jáne kúrdeli, aǵymdy jóndeý jumystaryna tıesili. Máselen byltyrǵy jyly aýdan ortalyǵy sanalatyn Jańatas qalasynda 120 páterli turǵyn úı paıdalanýǵa berilgen bolatyn. Bul turǵyn úıler eski, qaraýsyz qalǵan úılerge qaıta jańǵyrtý jumystaryn júrgizý nátıjesinde qoldanysqa berilip otyr. Jańatas qalasynda turǵyn úılerdi qaıta jańǵyrtý esebinen baspanaǵa aınaldyrý jumystary áli de óz jalǵasyn tabýda. Sondaı-aq qazir turǵyndar meken etip jatqan úılerdiń tehnıkalyq jaǵdaıyn jaqsartý máselesi de tıisti deńgeıde qolǵa alynǵan. Atap aıtqanda Qazaqstan Respýblıkasynyń «Turǵyn úı-kommýnaldyq sharýashylyǵyn jańǵyrtýdyń 2011-2020 jyldarǵa arnalǵan baǵdarlamasy» arqyly Jańatas qalasynda 6 kóp qabatty turǵyn úıge jóndeý jumystary júrgizildi. Turǵyn úılerdiń tehnıkalyq áleýetin jaqsartý jumystaryna 80 mıllıon teńge qarjy qarastyrylsa, onyń 52 mıllıon teńgesi turǵyndardyń esebinen keri qaıtarylǵan. Tıisti kólemdegi qarjy jumsap ony keıinnen turǵyndardyń aı saıynǵa tólem grafıgine saı qaıtaryp alý tájirıbesimen Jańatas qalasyndaǵy 3 shaǵyn aýdandaǵy 2 turǵyn úı jóndeldi. О́z kezeginde bul jumystarǵa 14 mıllıon 500 myń teńge qarjy qaralsa, búgingi tańǵa deıin turǵyndar bul somanyń 3 mıllıon 600 myń teńgesin keri qaıtaryp úlgergen. Al eki jyl buryn qaladaǵy 6 shaǵyn aýdan daǵy№28 úıine 10 mıllıon 600 myń teńgege aǵymdaǵy jóndeý jumystary júrgizildi. Qazirgi esep boıynsha turǵyndar tarapynan keriqaıtarýǵa jatatyn 2 mıllıon 200 myń teńgeniń 44,3 paıyzy qaıtarylyp qoıǵan.

О́tken jyly keri qaıtarylatyn qarajat kózinen Jańatas qalasyndaǵy 1 shaǵyn aýdannyń №23 turǵyn úıine aǵymdaǵy jóndeý jumystary tolyqtaı aıaqtaldy. Jalpy somasy 13 mıllıon 200 myń teńgege júrgizilgen qurylys jumystaryna bólingen qarjynyń 1 mıllıon 800 myń teńgesi keri qaıtarýǵa jatatyn bolsa, qazirgi tańda onyń 324,8 myń teńgesi qaıtarylǵan.