Assambleıa birlik pen yntymaqtyń aınymas úlgisi

«Birlik túbi bereke» deıdi dana qazaq. Al elimizde Elbasynyń bastamasymen ulttar men ulystardyń dostyǵy árkez aldyńǵy qatarǵa qoıylýda. Buǵan Qazaqstan halqy Assambleıasynyń qurylǵany anyq dálel bola alady. Assambleıanyń Jambyl oblystyq hatshylyǵy da ıgilikti isterge uıytqy bolyp, jyl ishinde talaı tirlikti tikteýde dep jazady Qamshy.kz aqparat agenttigi. Hatshylyq meńgerýshisi Marjan Tóreǵulqyzynyń sózine súıensek, qoǵamdyq kelisim men jalpyulttyq birlikti qamtamasyz etý baǵytynda jyl basynan beri josparly jumystar júıesin taýypty.

- Jalpy oblys kóleminde 87 etnos pen etnıkalyq toptyń ókilderi qonystanǵan. Ústimizdegi jyly etnomádenı birlestikterdiń qoǵamdyq akkredıtasııasy ótkizilip, 34 respýblıkalyq fılıal, oblys jáne aýdan etnomádenı birlestikteri Assambleıa tizimine usynyldy.

Qazaqstan halqy Assambleıasy qyzmetiniń basty baǵyttary – qaıyrymdylyq jáne medıasııany damytý. Uly dalanyń dástúrlerine negizdelgen qaıyrymdylyq sharalarynyń kúntizbesine sáıkes oblys boıynsha qaıyrymdylyq aksııalary aıasynda 69 820 adamǵa 338 844 300 teńgege kómek jasaldy. Bıylǵy jyly Arys qalasynda zardap shekkenderge túrik, kúrdi, dúngen, ózbek, uıǵyr, orys, sheshen, polıak, grek etnomádenı birlestikteri men «Jańǵyrý joly» jastar qozǵalysynyń músheleri 10 mıllıon 495 myń teńgege qaıyrymdylyq kómek kórsetti.

Sondaı – aq, oblystyq ózbek etnomádenı birlestiginiń ókili 5 balaly jalǵyzbasty ana G.Myrzahmetovaǵa 2 bólmeli páter tartý etti jáne «Týǵan jerge týyńdy tik» aksııasy boıynsha Qordaı aýdanynyń Qurmetti azamaty, kásipker S.Salybaev turmys jaǵdaıy tómen 3 otbasyna jáne Qordaı, Baızaq, Jambyl, Shý, Sarysý aýdandarynyń mesenattary kópbalaly januıalarǵa baspana syılady.

Konovalov klınıkasynyń oftolmologtary Qordaı aýdany Sortóbe, Masanshy, Bular Batyr, Aýhatty jáne Qarakemer aýyldarynyń turǵyndaryna QR Bas prokýratýrasynyń qurmetti qyzmetkeri G.Mashanlo men Sortóbe aýyldyq okrýginiń ákimi I.Býlarovtyń kómegimen 750 adamǵa tekserý júrgizip, 5 adamǵa ota jasady, barlyǵy 10 mıllıon 250 myń teńgege demeýshilik jasaldy, - degen Marjan Tóreǵulqyzy odan ári medıasııa qyzmeti týraly oı qozǵady.

- Medıasııa qyzmetine júginetinder sany jyl saıyn artýda, bıyldyń ózinde 773 azamat júginip, QHA medıatorlary 667 janjal men daýly jaǵdaılardy sheshti, olardyń negizgi túrleri - 33 eńbek, 396 azamattyq, 113 otbasylyq, 125 qylmystyq daýlar. Oblys boıynsha 2 medıasııa kabıneti, sondaı - aq 40 medıasııa alańy bar, onda QHA medıatorlary praktıkalyq jáne medıatıvtik kómek kórsetip, túsindirme júrgizedi.

О́tken jyldyń osy kezeńimen salystyrǵanda medıasııaǵa júgingen azamattar sany 152 adamǵa kóbeıip, sheshilgen daýly máseleler sany 186 kóterilgen.

Mektep medıasııasyn damytý - búgingi kúnniń ózekti máselelerin sheshýde qajetti sala bolyp otyr. Jambyl oblysy QHA qoǵamdyq medıatorlar qatarynda 9 medıator – pedagog muǵalimder men oqýshylar arasynda quqyqtyq túsindirý jumystaryn júrgizýde. Qazirdiń ózinde keń kólemdi 13 is-shara ótkizilip, oǵan 1840 adam qamtyldy, - deıdi M.Qojaeva.

Bul sóz joq, yntamaq pen birliktiń aınymas úlgisi.