• USD 389.52
  • EUR 429.21
  • RUB 6.07
  • CNY 54.94
29 Qańtar, 21:54:29
Qazaqstan Ýkraınanyń saýda naryǵyna alańdaýly

31 Qazan, 2019 Aımaqtar

Muqaǵalı Maqataev shyǵarmashylyǵyna arnalǵan konsert ótti

Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasy aıasynda jáne Jastar jylyna oraı Taraz qalasyndaǵy «Balasaǵun» ortalyq konsert zalynda Kenen Ázirbaev atyndaǵy oblystyq fılarmonııasynyń uıymdastyrýmen qazaqtyń birtýar aqyny, qazaq poezııasynyń muzbalaǵy Muqaǵalı Maqataevtyń shyǵarmashylyǵyna arnalǵan «Esińe meni alǵaısyń..!» atty konserttik baǵdarlama ótti.

Konserttiń shymyldyǵyn fılarmonııa ánshisi Perızat Orynbekova «Týǵan ólke» ánimen ashty. Munan soń Ádilet Ábdikerimniń oryndaýynda «Sábı bolǵym keledi» áni oryndalyp, tyńdarmandardy serpiltti. Sózi men áni kelisken syrly konsertte LED ekran arqyly Muqaǵalı óleńderi oqylyp, rýhanı keshtiń shyraıyn ashty. Konsertte belgili kompozıtorlar Tursynǵazy Ahmetov, Ábıirbek Tináli, Murathan Eginbaev, Tabyldy Dosym, Lena Ábdihalyqova, Qanat Ybyraıymovtardyń sózine jazylǵan ánder oryndaldy. Oblysymyzǵa tanymal QR Mádenıet qaıratkeri Razııa Mádihanova «Rızamyn», Mádenıet salasynyń úzdikteri Ońal Azamatova «Esińe meni alǵaısyń», Maralbek Babaqulov «Áke», Madına Saǵymbekova «Unatamyn men seni», Ǵanı Mátebaev «Ańǵal dosym» jáne «Marǵulan men Sulýjan» dýeti «Qumǵan alǵan» ánderin oryndasa, jas ánshiler Azamat Álmerek, Qaısar Kókishev, Dáýlet Mahan da óz ónerlerin el nazaryna usyndy. Ásirese dástúrli ánshi Aıgúl Maqashevanyń dombyramen oryndaǵan «Darıǵa-aı, dombyramdy bershi maǵan» áni de konsert qonaqtarynyń ystyq yqylasyna ıe boldy.

Kesh kórermenderi Muqaǵalıdiń sózine jazylǵan ánderdi ánshilermen birge shyrqap, qoshemet etip otyrdy. Syrly ánderden rýhanı sýsyndaǵan jurtshylyq sharany uıymdastyrýshylar men óner azamattaryna alǵystaryn aıtyp tarqasty. Konserttik baǵdarlamadan rýhanı lázzat alyp shyqqan tarazdyq turǵynnyń biri-Nurbaný Berdimbetova.

-Muqaǵalı Maqataevtyń shyǵarmashylyǵymen mektep kezinen jaqsy tanystyn. О́leńderin áli kúnge deıin súıip oqımyn. Búgingi kesh te keremet áser syılady. Aldaǵy ýaqytta osyndaı mazmundy sharalardyń kóbirek ótetindigine bek senimdimin. О́ıtkeni, mundaı konsetter jastardyń talabyn shyńdap, talantyn tanytýǵa da úlken septigin tıgizedi ,-deıdi ol.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir