06 Qarasha, 2019 NEWS

Reseı 11,6 ga jer telimin Qazaqstanǵa qaıtarady

Reseı Baıqońyrda jalǵa alǵan 11,6 gektar jerdi Qazaqstanǵa qaıtarady. Qazaqstan men Reseı úkimetteri arasynda "Baıqońyrdy" jalǵa berý kelisimine ózgerister engizildi. Endi bul jer telimin Qazaqstan óz maqsatyna paıdalana alady dep jazady Qamshy.kz aqparat agenttigi. 

Búgin májilistiń jalpy otyrysynda "1994 jylǵy 10 jeltoqsandaǵy Qazaqstan úkimeti men Reseı úkimeti arasyndaǵy "Baıqońyr" keshenin jalǵa berý shartyna ózgeris engizý týraly hattamany ratıfıkasııalaý týraly" zań jobasy qaraldy. 

Atalmysh hattama boıynsha, Reseı 11,6 myń gektar tórt jer ýchaskesin jalǵa alýdy toqtatylady. Tórt jer ýchaskesi Qazaqstannyń paıdalanýyna beriledi.

"Jalpy alańy 1 740 gektar eki ýchaske Qarmaqshy aýdany Tóretam kentin keńeıtý úshin, sondaı-aq 9 950 gektar eki ýchaske "Batys Eýropa-Batys Qytaı" halyqaralyq tranzıt dálizin, "Almaty-Máskeý" temirjolyn salý jáne "Beıneý-Shymkent" gaz qubyrynyń jelilik bóligi úshin alynyp otyr. Bul jer telimi Qyzylorda oblysynyń damýy úshinı qajet jáne oblystyń áleýmettik jaǵdaıy men ekonomıkasyna oń áserin tıgizedi. Atalmysh jerde respýblıkalyq mańyzy bar nysandardyń qurylysy júredi", - dedi aýyl sharýashylyǵy mınıstri Saparhan Omarov. 

Aıta ketsek, atalǵan aýmaq Aqaı men Tóretam eldi mekenderine jaqyn mańda ornalasqan.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir