Amerıkalyq otbasy asyrap alǵan Aısulýdyń sýısıd jasaýyna ne sebep bolǵan? (vıdeo)

AQSh-ta qaıtys bolǵan 17 jastaǵy Devın Aısulý Takabarıdiń sýısıd jasaýyna ne sebep bolǵany belgili boldy dep jazady Qamshy.kz aqparat agenttigi Astana arnasynyń dereginiń negizge alyp. Bul týraly onyń asyrap alǵan ákesi aıtyp berdi.

Aısulýdy 1 jasynda Qostanaı qalasynan amerıkalyq erli-zaıypty asyrap alǵan. Kishkentaı kezinde kóılek kıip, dombyra sabaǵyna qatysyp, sýret salýdy jaqsy kórgen. Alaıda eseıe kele ózgere bastady. 

Al jasóspirim kezinde Aısulý óziniń transgender ekenin aıtyp, atyn Devın dep ózgertken. Keıin LGBTK (lesbııandar, geıler, bıseksýaldar, transgenderler men kvırler) belsendisi bolypty. 

"Ol ul bolatynyn aıtty. Biraq fızıkalyq jaǵynan transgender emes edi. Osylaısha Dıana Aısulý Devın boldy. Biz qaıran qaldyq. Biraq oǵan qoldaý bildirýge tyrystyq", - deıdi Aısulýdyń asyrap alǵan ákesi Ýaın Tekabarı.

Sondaı-aq ákesi sońǵy kezderi Aısulýdyń minezi ózgerip, qıyndap ketkenin aıtty. 

"Sońǵy 3 jylda ol qatty qınaldy. Tipti emhanada jatyp, emosııasyn basqarýdy úırendi. Sonymen qatar, Devın bir jigitti qatty jaqsy kórgen. Jaýapsyz mahabbattan zardap shekti. Onyń ústine jańa, joǵary mektepte úlken qysymǵa tap boldy. Keıin munyń bári onyń ózine qol jumsaýyna sebep boldy. Sýısıd jasady", - dedi Aısulýdyń asyrap alǵan ákesi.