Myna taǵamdardy balalarǵa múldem jeýge bolmaıdy

Tis dárigerleri balaǵa berýge bolmaıtyn taǵamdardy atady dep jazady Qamshy.kz aqparat agenttigi KTK telearnasyna silteme jasap.

Tis dárigerleri gazdalǵan sýsyn, qytyrlaq kartop, keptirilgen nandy balalarǵa berýge bolmaıdy dep dabyl qaǵýda. Atalmysh taǵamdardyń kesirinen Almatydaǵy 15 jasqa deıingi balalardyń 90 paıyzynyń tisine qurt túsken. Der kezinde emdemese, býyny bekimegen balanyń jaq súıegine deıin qısaıyp tisi óspeı qalýy múmkin. Mamandar aýyryp em izdegenshe, aýyrmaıtyn jol izdeýge keńes beredi.

Almatydaǵy balalar tis emhanasynda aıaq alyp júrý múmkin emes. Ásirese kúzgi kanıkýlda munda kelýshiler sany tipti kóbeıgen. Ata-analar demalysty paıdalanyp táttige qumar balasynyń tisin qaratyp júr. Sońǵy ýaqytta jetkinshekter arasynda tisjegi aýrýy asqynyp tur. Emhanaǵa kelgen 10 balanyń toǵyzynda tis qurty bar.

Raýshan Qozybekova, Almaty qalalyq balalar tis emhanasyń dárigeri:  "Buryn kámpıt, qant bolsa, qazir táttilerdiń túri kóbeıip ketti. Gazdalǵan sýsyn, qytyrlaq nan, kartop, chýpachýpsty bala aýzynda uzaq soryp júredi. Bul óte zııan. Emhanada istegenime 22 jyl boldy. Burynǵy kezben salystyrǵanda qazir tisjegi óte kóp. Bes bala kelse, sonyń beseýinde de tisjegi bar".  

Sońǵy ýaqytta týa bitti tańdaıy joq nemese jyryq erin bolyp týylatyn shaqalaqtar kóbeıgen. Ondaı sábıler perzenthanadan shyqqan boıda emhanaǵa jetkizilip, jasandy tańdaı salynady. Mundaı kemistik bolmas úshin anasy júktilik kezinde kútinip, durys tamaqtanýy tıis deıdi dárigerler. Emhanada barlyq em shara tegin. Qaladaǵy jalǵyz balalar tis emhanasy 15 jasqa deıingi barlyq balany aqysyz emdeıdi.

Elmıra Shákemova, Almaty qalasynyń turǵyny: "Úıde «jeme» dep aıtamyz. Mektep arasynda, úıge qaıtqan kezde bizdiń kózdi ala bere, sýsyndar iship, túrli qytyrlaqtardy jeıdi. Úıde muqııat qadaǵalaımyz. Balalardyń densýlyǵy – ataananyń mindeti".

Emhana byltyr jekemenshikke ótken. Sol kezde bilikti dárigerler jumystan qýylyp, balalar tis emhanasy jabylýy múmkin dep shý bolǵan. Alaıda jańa basshy burynǵy mamandardyń bárin qyzmetinde qaldyrypty. Emhanaǵa keletinder sanynyń kóbeıýine baılanysty jumys ýaqyty da uzarǵan.

Tóretaı Rýzıddınov, Almaty qalalyq balalar tis emhanasynyń bas dárigeri: "Emhana orta eseppen alǵanda kúnine 200250 bala qabyldaıdy. Jylyna 73 myńdaı bala emdeledi. Balalar sany esh azaıǵan joq. Kerisinshe, buryn 5 kún jumys istese, qazir 7 kún jumys isteımiz".

Mamandar balanyń basy aýyryp tisi solqyldaǵanyn kútpeı, dárigerge júginý kerek deıdi. Sút tisteri túsip, turaqty tis shyqqansha jylyna eki márte dárigerge qaralǵan abzal. Ol úshin uzyn-sonar kezek kútpeı-aq, úıde otyryp onlaın tirkeýge turýǵa bolady. Naýqastar aqyly bólimde de em-dom qabyldaı alady.